 | | | د ښځو شرعي حقونه دې تامين او دهغوی په وړاندې دې د ظلم او تېري مخه ونيول شي. |
د ښځو په وړاندې د تاو تريخوالي دمنع کېدو قانون د اساسي قانون د (٧٩مې) مادې، پر بنسټ د ولسمشر لخوا په څلورو فصلونو او څلور څلوېښت مادو کې توشيح شو. دا قانون چې دوه کاله وړاندې ترتيب شوی وو ، د(١٣٨٨) کال د سرطان په (٢٨مه) نېټه توشيح شو. داچې پدې قانون کې څه راغلي، فرشتې د کابل پوهنتون د ارواپوهنې پوهنځي د درېم کال محصلې وويل : "پدې قانون کې ، په ښځو باندې جنسي تېری، دهغوی وهل او ټکول، پلورل او د تاوتريخوالي نور ډولونه منع شوي دي ." ددې قانون د رامنځته کېدو اساسي موخه همدا ده چې د ښځو شرعي حقونه تامين شي او دهغوی په وړاندې د هر ډول ظلم او تېري مخه ونيول شي. | | | په قانون کې د ښځو وهل، ټکول، پلورل او د تاوتريخوالي ټول ډولونه منع شوي دي . |
دښځوپه وړاندې دتاوتريخوالي دقانون په څلورمه ماده کې راغلي چې: تاوتريخوالی جرم دی او هيڅوک حق نه لري چې په ښځه باندې په کور يا دکار په ځای کې ظلم او تېری وکړي . ددې قانون پلې کولو دنده د ښځو چارو وزارت ، د اطلاعاتو او کلتور وزارت ، د لوړو زده کړو وزارت ، د پوهنې وزارت او د ارشاد حج او اوقافو وزارت په غاړه اخيستې ده. | 
له دې ځايه واورئ!
د آبادۍ غږ : د پوليسو ګزمه 