 | | | نوماندان نه شي کولی په دولتي او يا د بل هېواد په شتمنۍ ټاکنبزې مبارزې پر مخ بوځي. |
په هغه هېوادونو کې چې د ديمواکراسۍ نظام حاکم وي ، د ديموکراسۍ د ښه پلي کولو لپاره دهماغه هېواد لوړپوړي چارواکي د ټاکنو له لارې قدرت ته رسيږي . ټاکنې په ټوليزه توګه پنځه پړاوونه لري : درايه ورکوونکو او نوماندانو د نوم ليکنې پړاوونه، ټاکنيزې مبارزې ، د راي ورکولو ورځ او د ټاکنو پايلې. دافغانستان د ټاکنو دقانون پر بنسټ د ټاکنيزو مبارز نېټه د ټاکنو څخه 120 ورځې وړاندې پيل او د رايه ورکولو له نېټې نه 48 ساعته وړاندې پای ته رسيږي . د ټاکنو د خپلواک کميسيون د وياند نورمحمدنور په وينا د ټاکنو د رسنيو کميسيون د ټاکنيزو مبارزو څخه څارنه او نظارت کوي . کله چې کوم نوماند په ټاکنيزو مبارزو کې د ټاکنو د خپلواک کميسيون د طرز العملونو څخه خلاف کار وکړي، له هغه سره قانوني چلند کيږي. نوماندان نه شي کولی چې د نشه يي توکو ، دولتي شتمنۍاو يا هم د بل هېواد په پيسو باندې ټاکنبزې مبارزې پر مخ بوځي. | | | د ټاکنو د رسنيو کميسيون د ټاکنيزو مبارزو څخه څارنه او نظارت کوي. |
د ټاکنيزو مبارزو په جريان کې نوماند نشي کولی پخپل سر له دولتي امکاناتو څخه دځان په ګټه کار واخلي . نوماندان کولی شي په ټاکنيزو مبارزو کې خپله موخه او تګلاره دپوسټرونو، تصويرونو ، راډيو او تلويزون او د غونډوله لارې خلکو ته ورسوي . | 
له دې ځايه واورئ!
د آبادۍ غږ : د پوليسو ګزمه 