 | | | تورن پوځي کيدای شي د سترې محکمی له لوري پوځي محکمې ته ورپېژندل شي. |
پوځي محکمه هغې محکمې ته وايي چې د ملي اردو، پوليسو، ملي امنيت کار کوونکي او نور نظامي کسان پکې محاکمه کيږي . دهغه قوانينو پر بنسټ چې نورې محکمې رامنځته کيږي، پوځي محکمه هم د ځانګړو قوانينو پر اساس رامنځته شوې ده . پوځي محکمه هم د نورو محکمو په څېر د سترې محکمې په چوکاټ کې کار کوي او د خپلوکړنو په اړه سترې محکمې ته ر اپور ورکوي . محمداجمل هوډمن، د افغانستان د مدافع وکيلانو د کميسيون يو تن غړي وويل : "کله چې کوم پوځي په کوم جرم تورن شي ، کولي شي د سترې محکمی له خواپوځي محکمې ته ورپېژندل شي اومدافع وکيل ځان ته ونيسي." د پوځي محکمې غړي او قاضيان د سترې محکمې په غوښتنه او د ولسمشر له تاييد وروسته ټاکل کيږي. | | | پوځي محکمه هم د نورو محکمو په څېر د سترې محکمې په چوکاټ کې کار کوي. |
هغه قاضيان چې په پوځي محکمه کې ټاکل کيږي بايد په يوه پوځي برخه کې يې زده کړې کړي وي . د پوځي محکمې غړي د امنيتي ارګانونو د اړتياوو پر بنسټ ټاکل کيږي او هره دوسيه د ابتداييه ، استيناف او تميز پړاوونه تېروي. | 
له دې ځايه واورئ!
د آبادۍ غږ : د پوليسو ګزمه 