صابر عزيز

	معلولين هم کولای شي دټولنې دنورو وګړو په څېردښه کاراوکسب څښتنان واوسي.

له دې ځايه واورئ!

ددې ډول کسانو ځينې يې له بېکارۍ سرټکوي. خان محمددکابل ښاريوتن معلول وويل چې اقتصادي حالت يې خراب دى خو خلک دمعلوليت په پلمه کار نه ورکوي.

خوبل خوا يو شمېر معلولين توانيدلي چې ځانونوته کسب اوکارپيدا کړي. محمد وسيم دکابل ښار يو بل معلول وويل:

"اووه کاله کيږی چې هم د خياطۍ دوکان چلوم اوهم نورو معلولينو ته دمعيبينوپه مرکز کې درس ورکوم او هيڅ د معلوليت احساس نه کوم."

ميرمن وږمې دواړه پښې په راکټي بريد کې له لاسه ورکړې، خو اوس هم دکورکارونه پرمخ بيايي اوهم له کوره دباندې کارکوي.

ددې ډول کسانوپه وړاندې دکورنۍ اوټولنۍ مسووليت څه دى؟ نورګل، دکابل ښار يو ګلدوز، وويل:

" ميرمن مې معيوبه وه، هغې ته مې ګلدوزي ورزده کړه، اوس له خپل کارڅخه راضي ده اومعلوليت هيڅ نه احساسوي."

	په افغانستان کې دمعلولينوشمېره ديوميليون په شاوخواکې ښودل شوېده

همدا راز عزيز دکابل دښار يونجار يومعيوب هلک ته پخپل دکان کې نجاري ورزده کړې، چې نوموړى اوس خپل دکان لري اودښه کاروبارخاوند دى.

که چيرې کورنۍ او دټولنې نور غړي دمعلولينو سره بې ځايه زړه سوى ونه ښيي اوپه ځاى يې هغوئ ته کاراوکسب ورزده کړي، خپله دنيايي او ديني دنده به يې سرته رسولې وي.