شمشاد عمرشينواری

	ددې لپاره چې ورۍ مو زخمي نشي، د غاښونو برس په دايروي بڼه ووهئ.

له دې ځايه واورئ!

ګلالۍ، د کابل ښارديوې اوسيدونکې دټولوماشومانوغاښونه چينجي وهلي،ځکه نه پوهيږي چې له څه وخت نه دماشوم غاښونه پاک کړي.

رسول رحيمي،د کابل دستوماتولوژي روغتون ډاکتروويل چې دغاښونوصفايۍ ته دې دشيدوغاښونوله راوتلو سره يوځاى پاملرنه وشي.

د برس او کريم دنشتوالي په صورت کې کورنۍ کولاى شي له مسواک ، مالګې اوسوډا څخه دغاښونوپه پاکولو کې کار واخلي.

يو شمېر ماشومان دبرس په سم استعمال نه پوهيږي اوډېرى وخت خپلې ورۍ زخمي کوي او د روغتيايي ستونزو سره مخ کيږي.

	که د ماشوم دشيدو غاښونو سمه پاملرنه وشي، دهغوئ داصلي غاښونو د سلامتۍ سبب کيږي .

ددې لپاره چې ورۍ مو زخمي نشي، د غاښونو برس په دايروي بڼه، داسې ووهئ چي وريو ته مو ونه رسيږي .

که چېرې دماشوم غاښونه ترخوړو وروسته برس شي او يا کم له کمه په يوه پاکه او نرمه ټوټه پاک شي، دغاښونو ښه ساتنه به موکړې وي.