 | | | ډريوران او پلي کسان بايدد بيړنيو پيښو پر مهال د امبولانس لومړيتوب په پام کې ونيسي. |
د بېړنيو پېښو پر مهال ځينې مرستندويه ادارې، دامبولانسونوپه مرسته، له خلکو سره د ستونزو په کابو کولو کې مرسته کوي . دا امبولانسونه کله ناکله په سړکونوکې د ګڼې ګوڼې او بې احتياطيو له امله له يولړ ستونزو سره مخ کيږي. ذبيح الله د کابل اوسېدونکي وويل : "ورور مې ټپي شو، په امبولانس کې روغتون ته دوړلوپر مهال په لاره کې دموټر و دګڼې ګوڼې له امله مو هغه له لاسه ورکړ." د کابل د ترافيکومدير، جنرال اسد الله، وويل چې امبولانس او د بيړينو پيښو د مخنيوي ادارې له ځانګړو امتيازونوڅخه برخمنې دي. هغه کسان چې د دوی په لاره کې خنډ جوړوي جريمه او قانوني چلند ورسره کيږي. دکابل امبولانس مشر حاجې نذير احمد شيرزي وويل چې امبولاسونه اکسيجن ،ځانګړي کمربندونه ، چپرکټ،ډاکتر او درمل لري. | | | هغه کسان چې د امبولانسونو په لاره کې خنډ جوړوي جريمه او قانوني چلند ورسره کيږي. |
هغه کسان او ډرېوران چې په لارو او سړکونوکې تګ راتګ کوي، د بيړنيو پيښو پر مهال بايد د امبولانس لومړيتوب په پام کې ونيسي. پدې کار سره به يې له يوې خوا خپل ځان له خطرڅخه ساتلي وي اوله بله پلوه به يې دهغه ناروغ ژوند ژغورلی وي چې امبولانس يې روغتون ته لېږدوي. دکابل په ښار کې دعامې روغتيا وزارت امبولانسونه په وړيا توګه دخلکو په خدمت کې دي چې (١٠٢) نمبرتلفون سره داړيکو لارې ترې ګټه اخيستی شو. | 
له دې ځايه واورئ!
د آبادۍ غږ : د پوليسو ګزمه 