احمد ضياء رحيمزى

له دې ځايه واورئ!

ددې ټولنې دجوړيدواساسي موخه دښځينه ژورناليستانواو خبريالانوڅخه دفاع او دهغوئ تر منځ همغږي راوستل دي.

دا ټولنه داسيا د(٨) هېوادونو: افغانستان، بنگلادش، سريلانکا، بوتان، نيپال، پاکستان، هند او مالديو څخه جوړه ده.

په افغانستان كې دسفماعمومي مشر احسان الله آرينزي وويل چې په تېرو اتو كلونو كې په افغانستان كې په هر ډګر كې پرمختگونه رامينځ ته شوې دي.

پدې ټولوپرمختوګونوكې ښځوهم مهمه ونډه درلودلې ، دغو هېوادونو پرېكړه وكړه چې په افغانستان كې هم دسفما ټولنې ښځينه څانګه فعاله كړي.

دافغانستان دسفما ښځينه ټولنه پنځه تنه دبورډ غړي ، يورييس اودوه تنه مرستيالان لري، چې دهرو دريو كالونو لپاره دغړو له مينځ څخه ټاكل كيږي .

	دسفما ښځينه ټولنه د ښځينه ژورناليستانو اوخبريالانو ترمنځ همغږي را منځته کوي

په افغانستان كې دسفما دښځينه ټولنې مشرې دل افروز زيرك وويل :

"ددې ټولنې په جوړېدا سره ، ښځينه ژورناليستانې له يوبل سره خپلې كارې اړېكې ټېنګې او كارې تجربې شريكوي. "

هره افغانه ژورناليسته او خبرياله كولاى شي ددې ټولنې غړيتوب تر لاسه كړي. ددې ټولنې څانګې دهېواد په يو شمېرولايتونوکې هم فعالې دي.