محمد صابر عزيز

له دې ځايه واورئ!

دالبنيات کله ناکله خراب اودکانداران له زيان سره مخ کيږي.د کابل ښار د قمبر څلور لارې يو تن دوکاندار احمد وويل :

"په ګرمۍ کې زموږلبنيات ډېر ژرخرابيږي، ځکه دساتلولپاره يې وسايل نلرو، لمر ، خاورې او دوړې يې له خوړلوباسي."

د کابل ښار د لبنياتو د مرکزي اتحاديې مشر ،ډاکټر مصطفی ظفر، د لبنياتو د خرابېدو لاملونه داسې په ګوته کوي:

" ناروغ څاروي ، نظافت نه مراعات کول ، د ټاکلې درجې په پام کې نه ساتل،دلبنياتوتر ډېره وخته پاتې کېدل دا توکي ژرخرابوي."

د لبنياتودخرابېدو نښې د پروان ولايت اوسېدونکي ،مزمل، دلبناياتودرنګ بدلون، تريو بوی،اوبه پيداکول،پړسېدل اوپه سريې دځګ پيداکېدل بولي.

	ناروغ څاروي، نظافت نه مراعات کول اود ټاکلې درجې په پام کې نه ساتل لبنيات ژرخرابوي."

داچې لبنيات خراب نه شي، د کابل ښار يو بل دوکاندار محمد شريف هغه په پاک او يخ ځاي کې ساتي ، که برېښنا نه وي، لمده بوجۍ پرې اچوي.

ډاکټر ظفر وويل چې د لبنياتو ساتل د توليد له منبع څخه پيل کيږي .هوا، د څاروي روغتيا، دلوښواوځای پاکوالی بايدپه پام کې ونيول شي.