احمد ضيارحيمزی

	دښځورايه ورکونه له نارينه وو جلا اودرايې ورکونې کارت ته دښځې تصوير اختيارې دى.

له دې ځايه واورئ!

دټولټاکنودخپلواک کميسيون وياند،نورمحمدنور، دولسمشرۍ دوهم پړاو ته دنوم ليکنې په پروسه کې دښځو دونډې په اړه وويل:

"د١٣٨٧ کال دميزان له مياشتې دهماغه کال ترپايه له څلورو ميليونو زياتوکسانو،چې دوه ميليونه يې ښځې دي ، خپل نومونه ثبت کړې دي."

خو لاهم ډېری ښځې دبېلابېلو لاملونو له کبله ندي توانېدلي چې پدې پروسه کې برخه واخلي. دجلال اباد ښار يوه اوسېدونكې، شافيه وايي:

"داچې ښځو ته د کارت اخيستنې لازم شرايط په پام کې نه دي نيول شوي، کورنۍ راته دنوم ليکنې اجازه نه راکوي. "

دنورمحمد نورپه وينادانتخاباتودقانون دڅلوېښتمې مادې په اساس،دغه کميسيون دند ه لري چې په ټول هېوادکې رای ورکولو مرکزونه جوړکړي.

ډېری ښځې دبېلابېلو لاملونو له کبله ندي توانېدلي دټولټاکنوکارت واخلي.

پدې مرکزونوکې به دښځورايه ورکونه له نارينه وو څخه په بشپړ ډول جلاوي اودرايې ورکونې د کارت لپاره دښځې تصوير اختيارې دى.

په ولسي جرګه کې دکابل دخلکو استازې شينکى کړوخيل وايي چې ښځې هم کولای شي په سياسي،اقتصادي اوټولنيزوچاروکې ونډه واخلي.