दिल्लीत : महागाईविरोधात काँग्रेसचं आंदोलन, राहुल गांधी-प्रियंका गांधी पोलिसांच्या ताब्यात
फोटो स्रोत, Twitter/Congress
वाढती बेरोजगारी आणि महागाईच्या मुद्द्यावरून काँग्रेसने देशव्यापी निदर्शन सुरू केली आहेत. याच निदर्शनादरम्यान काँग्रेस नेते राहुल गांधी यांना पोलिसांनी ताब्यात घेतलं असून प्रियांका गांधींनी रस्त्यावर धरणं आंदोलन सुरू केलय.
काँग्रेसच्या सरचिटणीस प्रियांका गांधी काँग्रेस मुख्यालयाजवळील सुरक्षा कवच तोडून बॅरिकेडवरुन उडी मारत पुढे जात होत्या. मात्र त्यांना तिथंच थांबवण्यात आल्यानं त्या रस्त्यावरच ठाण मांडून बसल्या.
तर दुसरीकडे राहुल गांधींना ताब्यात घेतल्यानंतर काँग्रेसने एक व्हिडिओ शेअर केलाय. व्हिडिओमध्ये राहुल गांधी एका बसमध्ये दिसत असून त्यांच्यासोबत खासदार इम्रान प्रतापगढीही दिसतायत.
काँग्रेस मुख्यालयाबाहेर कडक सुरक्षा व्यवस्था तैनात करण्यात आली असून प्रियांका गांधी रस्त्यावर बसलेल्या दिसत आहेत.
फोटो स्रोत, Twitter/Congress
पोलिसांनी ताब्यात घेण्यापूर्वी काही खासदारांना ओढून मारहाण केल्याचा आरोप राहुल गांधींनी यावेळी केलाय.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त
वाढती महागाई आणि बेरोजगारीविरोधात काँग्रेसने ५ ऑगस्ट रोजी देशव्यापी आंदोलनाची हाक दिली होती. राहुल गांधी यांनी शुक्रवारी सकाळी पत्रकार परिषद घेऊन भाजपवर हल्लाबोल केला. ते म्हणाले की जे घाबरतात तेच धमक्या देतात. येत्या काळात काँग्रेसवरील हल्ले वाढतील पण त्यामुळे त्यांना सक्षम बनण्यास मदत होईल असं ही राहुल गांधी यावेळी म्हणाले.
राहुल गांधी यांच्या नेतृत्वाखाली काँग्रेसचे सर्व खासदार आणि नेत्यांनी निषेध नोंदवण्यासाठी काळे कपडे घालून संसदेपासून राष्ट्रपती भवनापर्यंत मोर्चा काढला होता. पण हा मोर्चा वाटेतच अडवण्यात आला.
हे वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहि61890597ले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
