IPL : विराट कोहली RCB चं कर्णधारपद सोडणार
फोटो स्रोत, Getty Images
विराट कोहलीने रॉयल चॅलेंजर्स बेंगळुरू संघाचं कर्णधारपद सोडण्याचा निर्णय घेतला आहे. रविवारपासून सुरू झालेल्या 2021 उर्वरित हंगामानंतर कोहली आरसीबीचं कर्णधारपद सोडणार आहे.
"आरसीबीचा कर्णधार म्हणून हा माझा शेवटचा हंगाम आहे. आरसीबीसाठी खेळाडू म्हणून मी सदैव खेळत राहीन. आरसीबीचे सर्व चाहते, समर्थक यांचे मी मनापासून आभार मानतो," असं आरसीबीच्या ट्वीटर अकाऊंटवर शेअर करण्यात आलेल्या व्हीडिओत कोहलीने सांगितलं.
आयपीएलच्या पहिल्या हंगामापासून कोहली आरसीबीकडूनच खेळतो आहे. 2013 मध्ये कोहलीकडे आरसीबीच्या नेतृत्वाची धुरा सोपवण्यात आली. मात्र कोहलीच्या नेतृत्वात आरसीबीला आयपीएल जेतेपदावर नाव कोरता आलेलं नाही.
कोहलीने 132 सामन्यात आरसीबीचं नेतृत्व केलं आहे. यापैकी 60 सामन्यांमध्ये आरसीबीने विजय मिळवला आहे तर 65 लढतीत पराभवाला सामोरं जावं लागलं आहे.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त
काही दिवसांपूर्वीच कोहलीने पुढच्या महिन्यात होणाऱ्या ट्वेन्टी-20 वर्ल्डकपनंतर भारतीय ट्वेन्टी20 संघाचं कर्णधारपद सोडणार असल्याचं स्पष्ट केलं होतं.
2019 पासून कोहलीच्या बॅटमधून लौकिकाला साजेशा धावा झालेल्या नाहीत. फलंदाजीवर लक्ष केंद्रित करण्यासाठी कोहलीने दोन कर्णधारपदं सोडण्याचा निर्णय घेतला आहे.
भारतीय टेस्ट तसंच वनडे संघाच्या कर्णधारपदी कोहलीच असेल. आयपीएल स्पर्धेत पुढच्या हंगामापासून कोहली खेळाडू म्हणून उपलब्ध असेल.
हे वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
