कोरोनाच्या तिसऱ्या लाटेत 60 लाख लोक बाधित होण्याचा अंदाज- राजेश टोपे
फोटो स्रोत, Getty Images
कोरोनाच्या तिसऱ्या लाटेत 60 लाख लोक बाधित होण्याचा अंदाज आहे, अशी माहिती राज्याचे आरोग्यमंत्री राजेश टोपे यांनी दिली.
आज (26 ऑगस्ट) राज्याच्या मंत्रिमंडळाची बैठक झाली. या बैठकीनंतर राजेश टोपे माध्यमांशी बोलत होते.
कोरोनाच्या पहिल्या लाटेत 20 लाख लोक बाधित झाले होते, दुसऱ्या लाटेत 40 लाख लोक बाधित झाले होते. आता तिसऱ्या लाटेत 60 लाख लोक बाधित होतील असा अंदाज असल्याचं राजेश टोपे यांनी म्हटलं.
केरळमध्ये कोरोना रुग्णांची संख्या वाढत आहे. त्याबद्दल बोलताना टोपे यांनी म्हटलं की, केरळमध्ये जी परिस्थिती आहे, त्याबद्दल केरळच्या आरोग्यमंत्र्यांशी चर्चा झाली आहे. ओणम सणामुळे तिकडे कोरोना रुग्णांची संख्या वाढली आहे.
दुसऱ्या लाटेचा अनुभव घेऊन सरकार तयारी करत असल्याचं टोपे यांनी म्हटलं.
तिसऱ्या लाटेच्या पार्श्वभूमीवर आरोग्य विभागातील अनेक रिक्त जागा 100 टक्के भरत आहोत. तिसऱ्या लाटेसाठी आर्थिक तरतूद केली आहे तसंच एशियन बँकेकडे 5 हजार कोटींच्या कर्जाचीही मागणी केली आहे, असं राजेश टोपेंनी म्हटलं.
राज्यातील ऑक्सिजन प्लान्टच्या संख्येत वाढ करत आहोत. एक हजार अँब्युलन्स खरेदी करण्यात आल्या आहेत. प्रत्येक प्राथमिक आरोग्य केंद्रावर ॲम्ब्युलन्स असतील, अशी माहितीही टोपेंनी दिली.
फोटो स्रोत, Facebook
राज्यातील 71 हजार आशा सेविकांना 1500 रुपये वाढीव देण्याचा निर्णय घेण्यात आला आहे. गट प्रवर्तकांना 1700 रुपये देण्याचाही निर्णय घेण्यात आल्याचं राजेश टोपे यांनी म्हटलं.
मुंबईतील एका अनाथालयात 22 मुलांना कोरोना संसर्ग
मुंबईतल्या सेंट जोसेफ अनाथालयातल्या 22 मुलांना कोरोनाची लागण झाली आहे. त्यातील काही मुलांना रुग्णालयात दाखल करण्यात आलं आहे.
याबाबत नायर रुग्णालयाचे अधिष्ठाता डॉ. रमेश भारमल यांनी बीबीसीशी बोलताना सांगितलं, "दाखल करण्यात आलेली सर्व मुलं अनाथालयमधली मुलं आहेत. त्यांना सौम्य लक्षणं आहेत. काही मुलांना ताप आहे. ही मुलं अंडर ऑब्झर्वेशन आहेत."
हेही वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
