उद्धव ठाकरे- 'जिम सुरू करायला दसऱ्यापासून परवानगी, पण...'

राज्यातील अनेक गोष्टी टप्प्याटप्यानं सुरू होत असताना जिम, व्यायामशाळा, फिटनेस सेंटर्स मात्र बंद आहेत. मुख्यमंत्री उद्धव ठाकरे यांनी दसऱ्यापासून जिम सुरू करण्याचं आश्वासन दिलं आहे.

उद्धव ठाकरे यांनी शनिवारी (17 ऑक्टोबर) जिम, फिटनेस सेंटर्स, व्यायामशाळा प्रतिनिधींशी व्हीडिओ कॉन्फरन्सिंगद्वारे चर्चा केली.

त्यावेळी बोलताना उद्धव ठाकरे यांनी म्हटलं, "तुम्ही काळजी घेणार असाल, सर्व नियम काटेकोरपणे पाळणार असाल, तर तुमच्या विश्वासावर मी दसऱ्यापासून जिम सुरू करायला परवानगी देतो."

मुख्यमंत्र्यांनी म्हटलं, की जिम, व्यायामशाळा या आरोग्यासाठीच आहेत. पण त्यामुळे आरोग्याचे प्रश्न वाढू नयेत याची काळजी घ्यावी लागेल. त्यामुळे मोठया शहरांबरोबच राज्यातील ग्रामीण भागातही जिम, व्यायामशाळा यांची संख्या लक्षणीय आहे. त्यामुळे हा निर्णय घेताना तयार करण्यात आलेली 'एसओपी'चे काटेकोर पालन होणे आवश्यक आहे. हा व्यवसाय आहे, पण तसा तो जनतेच्या आरोग्याशी निगडीत आहे, याची काळजी घेणे आवश्यक आहे.

अनलॉकच्या पुढच्या टप्प्यातल्या गाईडलाईन्स राज्य सरकारने जाहीर केल्या होत्या. यात 15 ऑक्टोबरपासून राज्यात मेट्रो रेल्वे, आठवडी बाजार आणि लायब्ररींच्या कामकाजाला परवानगी देण्यात आली होती.

पण प्रार्थनास्थळं, शाळा - कॉलेजं, शैक्षणिक संस्था, सिनेमा हॉल्स, नाट्यगृह, स्विमिंगपूल, आंतरराष्ट्रीय विमान प्रवास, जीम मात्र बंदच असणार होती.

अनलॉकसाठीच्या नवीन गाइडलाइन्स कोणत्या?

यापूर्वी कंटेनमेंट झोन वगळता इतर क्षेत्रातील रेस्टॉरंटस् आणि बार सुरु करण्याबाबत पर्यटन संचालनालयामार्फत आदर्श कार्यप्रणाली (एसओपी) जाहीर करण्यात आलेली आहे.. या नियमावलीचे पालन ग्राहकांना आणि हॉटेल मालकांना करावे लागणार आहे. ग्राहकांनी हे नियम पाळले जात आहेत याची खात्री करुन घेणं आवश्यक आहे.

हॉटेल्ससाठीचे नियम काय आहेत?

अनलॉक 5मध्ये काय-काय झालं?

यापूर्वीच्या अनलॉकच्या गाईडलाईन्समध्ये सांगण्यात आलेल्या काही गोष्टी यापुढेही कायम राहतील.

1) राज्यभरातली प्रार्थनास्थळं यापुढेही बंद राहतील.

2) कोणत्याही प्रकारचे जाहीर कार्यक्रम आयोजित करण्यावर बंदी आहे. लग्नासाठीची आमंत्रितांची संख्या 50 पेक्षा कमी असावी लागेल. तर अंत्यसंस्कारांसाठी 20 जणांपेक्षा जास्त लोकांना एकत्र येता येणार नाही.

3) राज्यामधल्या नवरात्रोत्सवासाठी सरकारने याआधीच नियमावली जाहीर केलेली आहे. यानुसार यावर्षी राज्यामध्ये गरबा - दांडियाचं आयोजन करता येणार नाही.

नवरात्रोत्सव साजरा करण्यासाठीच्या राज्य सरकारच्या गाईडलाईन्स वाचण्यासाठी इथे क्लिक करा.

हे वाचलंत का?

(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.रोज रात्री8 वाजता फेसबुकवर बीबीसी मराठी न्यूज पानावर बीबीसी मराठी पॉडकास्ट नक्की पाहा.)