घरगुती भांडणातून नवऱ्याच्या कंपनीत बाँबस्फोट करण्याची धमकी, महिलेला अटक
फोटो स्रोत, Getty Images
- Author, मानसी देशपांडे
- Role, बीबीसी मराठीसाठी
पुणे शहरातील चंदननगर भागातून एक विचित्र घटना समोर आली.
नवऱ्याशी होत असलेल्या वादातून एका 33 वर्षीय महिलेने त्याच्या इमेल आयडीवरुन तो काम करत असलेल्या आयटी कंपनीला इमेल पाठवून धमकी दिली.
त्यामध्ये कंपनी तसेच कंपनीच्या कर्मचाऱ्यांची वाहतूक करत असलेली कॅब सर्व्हिस बाँबने उडवून देण्याची धमकी दिली.
रविवार, 11 जून 2023 रोजी हा प्रकार घडला. पोलिसांच्या तपासाअंती हा प्रकार समोर आला.
नेमका प्रकार काय?
चंदननगर पोलीस स्टेशन हद्दीमधली खराडी भागातल्या एका आयटी कंपनीच्या कर्मचाऱ्यांना रविवारी एक मेल आला. त्यामध्ये या कंपनीच्या कर्मचाऱ्यांची वाहतूक करणाऱ्या कॅब्स शक्तिशाली बॉम्बने उडवून देण्याची धमकी दिली होती.
त्यानंतर संध्याकाळी परत एक इमेल आला. त्यामध्येही धमकी होती आणि तसंच कंपनीमधल्या महिला कर्मचाऱ्यांचं अपहरण करण्याचा उल्लेख होता.
अशाप्रकारचे इमेल आल्यानंतर कंपनीकडून चंदननगर पोलीस स्टेशनमध्ये तक्रार देण्यात आली. तक्रार प्राप्त झाल्यावर पोलिसांनी बाँबशोधक पथकासह कंपनीचा परिसर, पार्किंग, आणि सगळ्या मजल्यांची तपासणी केली. परंतू कुठेही संशयास्पद वस्तू आढळली नाही.
यानंतर पोलिसांनी मेल करणाऱ्या व्यक्तीचा शोध सुरु केला.
ज्या ईमेलआयडीवरुन धमकीचा मेल आला होता, त्या इसमाला कोंढवा परिसरातून पोलिसांनी ताब्यात घेतलं. त्याची चौकशी केल्यावर वेगळंच तथ्य समोर आलं.
पतीवरच्या रागावरुन पत्नीनेच केला मेल
या इसमाची दोन लग्नं झाली होते. यामुळे त्याचे पहिल्या पत्नी सोबत सातत्याने वाद होत होते.
पोलिसांनी दिलेल्या माहितीनुसार या इसमावर पहिल्या पत्नीने ट्रिपल तलाक देण्याचाही आरोप केला होता व त्यासंदर्भात कोंढवा पोलीस स्टेशनमध्ये गुन्हाही दाखल केला होता.
हेही वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा. 'गोष्ट दुनियेची', 'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
