फाईव्ह स्टार हॉटेलात दोन वर्षे फुकट वास्तव्य, 58 लाखांचं बिल बुडवून ग्राहकाचा पोबारा
फोटो स्रोत, Getty Images
दिल्लीतील एका फाईव्ह स्टार हॉटेलमध्ये दोन वर्षे फुकट वास्तव्य करून पोबारा केल्याचा प्रकार उघडकीस आला आहे.
या प्रकरणी हॉटेल व्यवस्थापकाने पोलिसांत तक्रार दिली असून याबाबत तपास सुरू आहे.
दिल्ली विमानतळ परिसरातील रोझिएट हाऊस नामक फाईव्ह स्टार हॉटेलमध्ये हा प्रकार घडला.
संबंधित आरोपी ग्राहक तब्बल 603 दिवस हॉटेलमध्ये फुकट मुक्कामास होता. त्याचं या दरम्यानचं बिल सुमारे 58 लाख रुपये झालं.
मात्र, हे बिल न देता गुपचून पळून जाऊन हॉटेलची फसवणूक केल्याची तक्रार दाखल करण्यात आली आहे.
संबंधित ग्राहकाला हॉटेलमधीलच एका कर्मचाऱ्याने साथ दिली. दोघांनी संगनमत करून बिलाची वाढत जाणारी रक्कम इतरांपासून लपवून ठेवली, असं तक्रारीत म्हटलं आहे. या प्रकरणात अद्याप कुणालाही अटक झालेली नाही.
दिल्ली पोलिसांत हा गुन्हा 24 मे रोजी दाखल करण्यात आलेला आहे. पण याबाबतची माहिती गेल्या आठवड्यातच उघडकीस आली. यानंतर स्थानिक माध्यमांमध्ये हा चर्चेचा विषय बनला आहे.
फोटो स्रोत, Getty Images
यामधील, संबंधित आरोपीचं नाव अद्याप कळू शकलेलं नाही. पण तो व्यक्ती 30 मे 2019 पासून हॉटेलमध्ये वास्तव्याला होता.
त्यादिवशी त्याने एका रात्रीसाठी रुमची बुकिंग केली होती. पण तो 22 जानेवारी 2022 पर्यंत हॉटेलमध्ये तळ ठोकून होता, असं इंडियन एक्सप्रेसच्या बातमीत म्हटलं आहे.
साधारपणे कोणताही ग्राहक हॉटेलमध्ये मुक्काम वाढवत असल्यास त्याच्याकडून तत्काळ मागची बाकी जमा करून घेतली जाते.
फोटो स्रोत, Getty Images
हॉटेलच्या नियमांनुसार, एखाद्या ग्राहकाचं बिल 50 हजारांच्या वर जातं, त्यावेळी हॉटेलचे कर्मचारी त्याबाबतची माहिती वरिष्ठांना कळवत असतात. त्यानंतर बिल जमा करून त्याचा मुक्काम पुढे सुरू ठेवला जात असतो. पण, असं या प्रकरणात घडलेलं नाही. एक कर्मचारी संबंधित ग्राहकाचा मुक्काम एकही रुपया न घेता वाढवत होता, असं वरिष्ठ पोलीस अधिकाऱ्यांनी एका माध्यमाला सांगितलं.
हे नेमकं कसं केलं गेलं, याबाबत स्पष्ट माहिती मिळालेली नसून अधिक तपास केला जात आहे.
व्यवस्थापकांच्या अंदाजानुसार, इतर ग्राहकांनी बिलची रक्कम भरल्यानंतर त्याच्या बदल्यात आरोपीला मुक्काम वाढवून देण्यात येत होता का, याविषयी तपास करण्यात येत आहे. दरम्यान, या प्रकरणी प्रचंड गुप्तता पाळली जात असून अद्याप याबाबत कोणाचंच नाव उघड करण्यात आलेलं नाही.
हेही वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
