Во малата Македонија има многу наречја

Од Куманово, преку Велес до Битола, од Прилеп, преку Кавадарци до Струмица и Делчево,ги бележиме наречјата, а во одредени случаи и се трудиме да ги разбереме.

Да почнеме од југот и дијалектот во Гевгелија кој спаѓа во југоисточното наречје. Се карактеризира со поинаква дикција, двосложен акцент и скратување на зборовите.

Елизабета Филипоска праша зошто битолчани не би се разбрале со гевгеличани?

СЛУШНЕТЕ ГО ПРИЛОГОТ

-„Ќе се разбереме, но ние имаме друг дијалек тие друг. Има некои зборови кои ги користат во Прилеп, Битола, Охрид, а нам ни треба време да ги окопчаме, што се. Имав еден гостин од Охрид и кога го прашав 'Дека одиш на наки?', по гевгелиски, не ме разбра. А кога прашав 'каде одиш натаму?', ме разбра."

Превод

Кога гостин од западна Македонија доаѓа во Гевгелија за подобра комуникација мора да се менува динамиката на говорењето велат гевгеличани

-„Ако во Гевгелија лафиме малку побрзо, прилепчани или битолчани нема да не разберат, исто и обратно.“

-„Ние малку по литературно не знаеме. Ние гевгелиски, знае как је?“

-„Гевгелискиот дијалект се разбира само ако зборат гевгеличани полека, ако зборат на брзина како шо имаат пракса, не може никој да ги разбере.“

За еден ден гевгелиски не се учи. А како се „лафи по гевгелиски?“

-„Кажејте шо ќе пијајте?“

-„Дек ќојш?“

-„Прај шо ќе прајш, ама врни се дома.“

-„Дека си."

-„Шо праат? Добр ли се?"

Прашувам едно девојче каде оди:

-„Дека тато, в дуќано."

По што гевгелискиот дијалект се разликува од останатите дијалекти во Македонија?

-„Кај нас некако акцентот е ставен на друго место.“

-„Кај нас дијалектите се измешани, од Малешевијата, Валандово и Гевгелија сме направиле кркамбар, урнебес.“

Натурализираниот гевгеличанец од Прилеп, Алексеј Караџоски, ни раскажа како се снаоѓа со гевгелискиот говор.

„Наарен“

-„Ја кога дојдов во Гевгелија 50% не разбрав што зборува. Имаат доста зборови кои ги употребуваат од стариот македонски јазик. Во Прилеп велиме 'искарај го', гевгеличани викаат 'искарго', го скратуваат зборот.

И мајка на битолска снаа се обиде да ни помогне.

„Како е?" битолските жени така зборуваат, а не велиме „Как си? Шо прајш?Девојчињата во Битола се 'чупиња', во Гевгелија се „момички".

Како и да е, гевгеличани сметаат дека е убаво да си негува дијалктот.

-„Преку дијалектот можеш да препознаеш кој од каде", велат тие и гордо додаваат: „Нашиот дијалект наарен е, шо да ви кажам друго!"