Learning English

ኣቕራቢቋንቋትግርኛ
ሰላም፤ እንቋዕ ብድሓን ናብ መደብ Essential English Conversation  መጻእኩም። እዚ ንተምሃሮ ቋንቋ እንግሊዘኛ ኣዝዩ ኣድላዪ ዝዀነ መደብ’ዩ። ኣነ ......... እበሃል፣  ኣብ ናይ ሎሚ መደብ ንሰባት ብዕለተ-ልደቶም ከመይ ኢልኩም ከም እትውከሱዎም ክትመሃሩ ኢኹም። 

ሕጂ ክልተ ሰባት ብዛዕባ ዕለተ-ልደቶም ክተሓተቱ ከለዉ ተኸታተሉ።

Amy
When’s your birthday?

Phil
My birthday’s on June the 10^th.

Amy
Mine’s on October the 3^rd.

ኣቕራቢቋንቋትግርኛ
ክብድ ዝብል እንተመሲሉ ኣይትሻቐሉ። እዚ ምይይጥ ከፋፊልና ብምቕራብ ንኽትለማመዱሉ ክንሕግዘኩም ኢና።

ብመጀርታ ኤይሚ ን ፊል ‘መዓስ’ዩ ዕለተ-ልደትካ?’ ኢላ ሓተተቶ’ ‘When is your birthday?’

ንቕድም ነቲ ሓረግ ስምዑዎ፡ ድሓር ድገሙ።

Insert
When’s your birthday?

ኣቕራቢ ቋንቋ ትግርኛ
ሽዑ ፊል ከምዚ ኢሉ መለሰ - “ዕለተ-ልደተይ 10 ሰነ’ዩ”  ‘My birthday’s on June the 10th.’ እቲ ዕለት ብመዓልትን ወርሕን ምስ እንገልጾ ‘on’ ዝብል ቃል ንጥቀም።  ንኣብነት፡ 10 ግንቦት ከምኡ’ውን 22 ሚያዝያ ብኸምዚ ኣገባብ ንገልጾም  ‘on May the 10th’ and ‘on April the 22nd’  

ንቅድም ስምዑ ድሓር ድገሙ።

Insert
My birthday’s on June the 10th.

ኣቕራቢ ቋንቋ ትግርኛ
ዕለተ-ልደትና ምስ እንጠቅስ ዝተወለድናሉ ወርሒ ከነቕድም ንኽእል። ኣስማት ኣዋርሕ ከምዚ ዝስዕቡ’ዮም ...

Insert
ጥሪ  January
የካቲት February
መጋቢት  March
ሚያዝያ April
ግንቦት May
ሰነ June
ሓምለ July
ነሓሰ August
መስከረም  September
ጥቅምቲ  October
ሕዳር  November
ታሕሳስ  December 

ኣቕራቢ ቋንቋ ትግርኛ
ኣስዒብኩም እቲ ዝተወልድኩሙሉ መዓልቲ ብተርታዊ ቍጽሪ ወይከኣ ብኣሃዝ ኢኹም ተቕርቡዎ። ተርታዊ ቍጽሪ ሓደ፡ ክልተ፡ ሰለስተ ዘኣመሱ ማለት’ዩ። 

Insert
First, second, third.

ኣቕራቢ ቋንቋ ትግርኛ
ካብ ኣርባዕተ ክሳብ ዕስራ ዘሎዉ ኣሃዛት ኣብ መወዳእታ ‘th’ ዘድምጽ ቃል ክትውስኹሉ ትኽእሉ። ንኣብነት ...

Insert
ራብዓይ fourth
ዓሽራይ  tenth
መበል ዓሰርተ-ሸሞንተ  eighteenth

ኣቕራቢ ቋንቋ ትግርኛ
ልዕሊ ዕስራ ዝዀኑ ኣሃዛት “ዕስራ ምስ በልና እቲ ተወሳኺ ንጽል-ኣሃዝ ነጥብቐሉ” ።

Insert
ዕስራን-ኣርባዕተን – Twenty-fourth
ዕስራን-ሸውዓተን – Twenty-seventh
ዕስራን-ትሽዓተን  – Twenty-ninth

ኣቕራቢ ቋንቋ ትግርኛ
ስለዚ ኤይሚ ን ፊል “ዕለተ-ልደተይ ሰለስተ ጥቅምቲ’ዩ” ኢላ ነገረቶ። ‘Mine’s on October the 3rd’

ንቕድም ስምዑ ድሓር ድገሙ።

Insert
Mine’s on October the 3rd.

ኣቕራቢ ቋንቋ ትግርኛ
ጽቡቕ!  ከም መፈተንታ’ምበኣር ኻልኦት ሰባት ብዛዕባ ዕለተ-ልደቶም ክዛረቡ ከለዉ ንስማዕ።

When’s your birthday?

My birthday’s on May the 23rd.

Mine’s on January the 10th.

When’s your birthday?

My birthday’s on February the 13th.

Mine’s on August the 8th.

ኣቕራቢ ቋንቋ ትግርኛ
ግርም! እቲ ዝተማሃርኩምዎ ክሳብ ክንደይ ከም እትዝክሩዎ እስከ ንርአ። ነቶም ሓረጋት ብቋንቋኹም ምስ ሰማዕኩም ናብ እንግሊዘኛ  ተርጕምኩም ኣቕርቡዎም።
መዓስ’ዩ ዕለተ-ልደትካ?

When’s your birthday?

ዕለተ-ልደተይ ዓሰርተ ሰነ’ዩ።

My birthday’s on June the 10th.

ናተይ ከኣ ሰለስተ ጥቅምቲ’ዩ።

Mine’s on October the 3rd

ኣቕራቢ ቋንቋ ትግርኛ
ጽቡቕ! ናይ ሎሚ ቀንዲ መግለጽ-ሓሳባት ንምኽላስ ንብምልኡ’ቲ ምይይጥ ደጊምኩም ስምዑዎ።

Amy
When’s your birthday?

Phil
My birthday’s on June the 10th.

Amy
Mine’s on October the 3rd

ኣቕራቢቋንቋትግርኛ
ግርም! ሕጂ’ምበኣር ብእንግሊዘኛ ንሰባት ዕለተ-ልደቶም መዓስ ምዃኑ ክትውከሱዎም ትኽእሉ። ንዝተማሃርኩምዎ ደጋጊምኩም ምልምማድ ኣይትረስዑ።  መሓዛ ኣናዲኹም ብእንግሊዘኛ ዕለተ-ልደቶም መዓስ ምዃኑ ተወከሱዎም።   እቲ ዕለት ብኣገባብ ግለጹዎ  - ማለት ቅድም ወርሒ ድሓር ዕለት ኣከታቲልኩም ኣቕርቡዎ።

ኣብ ዝቕጽል መደብ Essential English Conversation የራኽበና። See you next time!