Peter Odili: Kedụ ihe ị ma maka nwoke a 'zụrụ' Wike na Amaechi na ndọrọndọrọ ọchịchị?
Ebe foto si, Nyesom Wike
Kemgbe ụbọchị Monde, abalị 15 nke ọnwa Ọgọstụ afọ 2022, ụmụ Naijiria kpụ aka chịburu steeti Rivas bụ Peter Odili n'ọnụ dịka ọ gbara afọ 74.
Odịlị bụ dọkịta ahụike ma bụrụkwa Odogwu kara aka n'okwu ndọrọndọọ ọchịchị dịka ọ 'zụrụ' ọtụtụ ndị Rịvas a na-anụ aha ha n'okwu ndọrọndọọ ọchịchị naijiria na nka ndọrọndọrọ ọchịchị.
Ndị ahụ gụnyere Aka na-achị Rịvas steeti ugbua bụ Nyesome Wike; Mịnịsta na-ahụ maka ọrụ bụ Rotimi Amechi, Magnus Abe nakwa ndị ọzọ.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Mana gịnị ka ị ma maka nwoke kpọbatara ha ma zụọ ha n'ụzọ ndọrọndọrọ?
Peter Odili bụ otu onye a ma ama n'ihe ndọrọndọrọ na Naịjirịa ọ kachasị na mpaghara etiti ndịda Naịjirịa ebe o si.
Mgbe amalitere ọchịchị onye kwuo uche ya n'afọ 1999, ọ bụ yaka ahọpụtara dịka Gọvanọ steeti ahụ nke atọ kemgbe ekepụtara ya.
Mana tupu nhọpụta ahụ, o sobuola chịa steeti ahụ dịka osote Gọvanọ site n'afọ 1992 rue afọ 1993.
Ugbua, ọ nọzi na otu PDP ebe ọ bụ otu isi a hụrụ kwaba okpu n'otu ndọrọndọrọ ahụ.
Ọ dịzi afọ iri asaa na anọ dịka a mụrụ ya n'ụbọchị 15 nke ọnwa Ọgọst afọ 1948.
Ebe foto si, Nyesom Wike
Ihe ndị ị kwesiri ịma maka Odili
Ebe foto si, Mary Odili
E wezụga ihe gbasara ndọrondọrọ ọchịchị, ihe ọzọ aha Odili ji ada ụda na Naịjirịa bụ nwunye ya.
Aha ya bụ Mary Ukaego Odili, onye ọkaikpe ụkwụ na Naịjirịa a mụrụ n'afọ 1952.
Mary Odili bụ onye Mbaise n'Imo steeti lara ezumike nka n'ọkwa ya n'afọ 2022.
Na nsonos a aha Jọstịs Ọdili kpọtụụ n'akwụkwọ akụkọ dịka ndị ọrụ nchekwa wakporo ụlọ Jọstịs Odili bụ ọkaikpe n'Ụlọikpe kachasị (Supreme Court Judge), dị n'Abuja.
Ihe ndị ọzọ ị kwesiri ịma maka Peter Odili
Ebe foto si, Nyesom Wike
Peter Odili bụ onye Ogba/Egbema/Ndoni dị na Rivas steeti.
Ọ gara akwụkwọ na Mahadum Nigeria dị na Nsukka.
O mechara gụtọpụ akwụkwọ ya na Mahadum Liverpool dị na mba Briten.
Ọ lụrụ Mary Ukaego Odili n'afọ 1979.
Ha mụrụ ụmụ anọ bụ Adaeze Odili, Njideka Odili, Chinelo Odili na Peter Odili nke ọbere.
A họpụtara na ndị so nochi anya Rivas steeti n'ọgbakọ akpọrọ Constituents Assembly n'afọ 1988/89.
O kwuru na ọ ga-azọ ọkwa onyeisiala n'okpuru otu PDP n'afọ 2007 mana ọ mechara ritue ka Umaru Musa Yar'Adua were ọkwa ahụ.
