Ada Ameh: Etu o siri laa mmụọ

18 Julaị 2022

Adah Ameh bụ nwaanyị a ma ama na-eme ejije Nollywood alaala mmụọ.

Emeka Rollas bụ onyeisi otu ndị ejije Nollywood akpọrọ Actors guild of Nigeria gbara BBC ama na ya bụ akụkọ bụ eziokwu.

O kwuru “Anyị enwetela ozi ịgbaama na ọ nwụrụ n’ezie”.

Ọ kọwakwara na ndị otu ha mabeghị etu o siri nwụọ kpọm kwem.

Akụkọ na-efegharị na soshal midia kwuru na ọ dara ma kubitu na Delta steeti.

A mabeghi kpọm kwem etu ya bụ ihe si mee.

Dịka nwa ya ọ mụrụ naanị ya nwụrụ n'afọ 2020, Ameh kwuru na ọnwụ nwaa ya metụtara ya n'ụzọ ọjọọ ma kụdaa mmụọ ya nke ukwuu.

Nwaa a o kwuru ọ mụrụ mgbe ọ dị naanị afọ 14 dị ya n'obi nke ukwuu.

Skip Akachasị Gụọ and continue reading

Akachasị Gụọ

End of Akachasị Gụọ

Na mkparịtaụka ya na onye ntaakụkọ Chude Jideonwo nwere n'afọ 2021, ọ kọwara na ọ tụtara ime nwa ahụ na-amaghị ama mgbe ahụ n'ihi na ndị enyi ya dubara ya na ndụ akwamiko mgbe ọ ka dị na nwata.

Cheta na n’ọnwa Juun nke afọ a, nwaada Ameh zipụtara ozi n’akara Instagram ya kọwa n’agwọ nọ n’akịrịka na ndụ ya dịka o kwuru na ọ nwere onye chọrọ ịkpụpụ ya ụlọikpe n’ihe ọ nweghị ike ruzuo ọrụ mmadụ nyere ya.

N’ihe onyonyo ahụ o kwuru “Nsogbu mmụọ ịda mba nke metụtara ụbụrụ isi m bụ ihe mere m iji ghara imezu ọrụ a”.

Ọ gara n’ihu kwuo na ndị mmadụ nwereike ha agaghị aghọta nsogbu ụbụrụ isi a ji ya aka.

Ihe i kwesịrị ị ma maka Ada Ameh

Ọ bụ onye ejije Nollywood malitere ọrụ ya kemgbe afọ karịrị 25
Ihe ejije bupụtara aha ya n’ihu ọha bụ ejije ‘Domitilla’
O meela ọtụtụ ejije ndị ọzọ dịka 30 days in Atlanta bụ nke wuru ewu
Ọ nọ n’isi ejije na-amasị ọha a na-egosi na DSTV bụ ‘The Johnson’
A mụrụ ya afọ 1974
Ọ bụ onye Benue steeti
Ọ nwetala ọtụtụ nturuugo dịka onye ejije na Naịjirịa nakwa n’akụkụ ụwa ndị ọzọ dị ịcheịche
Nwa ọ mụrụ naanị ya bụ Aladi Godsgift Ameh lara mmụọ n’ụbọchị 20 nke ọnwa Ọktoba, 2020. Kemgbe nke a mere, ndụ ya gbanwere n’ụzọ ọjọọ ma na-akwanye njọ.

Ihe ndị mmadụ na-ekwu maka ọnwụ ya

Dịka nwaada Ameh bụ onye ihe na-amasị ọha, ọtụtụ ndị mmadụ na soshal midia ezipụta ozi na-ekwu etu obi dị ha maka ozi ọnwụ ya. Ozi arịrị ndị gosiri n'ezie na ọ bụ onye ọha hụrụ n'anya.

Skip X post, 1

Hapụ X ihe dị na ya?

Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

Warning: BBC amaghị maka ihe ndị si n'ọbaozi ndị ọzọ.

End of X post, 1