Bola Tinubu Vs Donald Duke : Kedụ ihe na-ese n'etiti Duke na Tinubu?

Ndị mgbasa ozi onye na-azọ ọkwa onyeisiala n'aha otu APC bụ Bola Ahmed Tinubu ekwuola na akụkọ na-efegharị nke kwuru na ha arịọla mgbaghara maka iji foto Donald Duke oge ọ dị na nwata si na ọ bụ nke Tinubu n'akụkọ maka Tinubu.

Nke a na-abịa dịka akwụkwọ mgbasazi ozi nke a si ọnyeisi mgbasaozi Tinubu bụ Bayo Onanuga binyere aka rịọrọ mgbaghara maka itinye foto Donald Duke n'ihe onyonyo sị na ọ bụ Tinubu na nwata.

N'ozi ahụ kwuru na Tinubu amaghị maka ya bụ ihe kama, na ndị na-akwado ya ya mepụtara ihe onyonyo e ji ajụrụ ya nta vootu tinye foto ahụ na-ajụghị ese.

Ozi ahụ kwuru na ọ bụ "ndahie" nke ndị jịkọtara ihe onyonyo ahụ mere.

Mana Onyeisi mgbasaozi Tinubu bụ Bayo gwara BBC Igbo n'ozi ahụ na-efegharị na soshal midia bụ akwụkwọ adigboroja, na o sighị n'aka ha.

Ọ sịrị, : "Ozi ahụ esighị n'aka anyị."

O nyeghị nkọwa ọbụla banyere ihe mere na foto bụ ihe e ji mee akụkọ onyonyo ndụ Tinubu.

Nsogbu dapụtara n'abalị 27 nke ọọnwa Novemba oge aka chịburu Krọs Riva steeti bụ Donald Duke wepụtara ihe onynoyo n'akara Facebook ya bụ ebe ọ gbarụrụ ihu na e ji foto o sere oge ọ dị afọ 12 na Sokoto steeti were mee ihe onyonyo si na ya bụ Tinubu.

Ihe Donald Duke kwuru

Duke sịrị, "Enwere ihe onyonyo e mere a kpọrọ "Nation Builder".

"Ọ dị mma mana ihe na-ewute m bụ na foto oge m dị afọ 12 na Sokoto."

"Amaghị ma aga enweta ikpenkwụmọtọ na ya bụ okwu mmadụ."

"O gosiri na ọnọdụ nrụrụtaụka n'okwu ndọrọndọrọ ọchịchị akụọla afọ n'ala n'ebe ọ dị ukwu."

Ihe ụmụ Naijiria na-ekwu maka foto ahụ

Kemgbe akụkọ maka foto ahụ gbara na soshal midia, ọtụtụ ụmụ Naijiria akatọọla ya bụ ihe.

Ụfọdụ kwuru na ọ bụ ihe jọgburu udele ,sigbuo nkapị n'isi iwere foto mmadụ dịka nke onye ọzọ.

Otu onye kpọrọ onwe ya @vsntongv.s kwuru na ọ bụrụ ya bụ Donald Duke na ọ ga- eji ha kpa ego maka izuru njirimara ya.

@SEzekwesịli sịrị na ya chebu na akụkọ ahụ bụ ụgha were ruo oge ya hụrụ ebe Duke na-ekwu maka ya.

Ọ gbara @novieverest gharịị na o nweghị onye nọ n'otu mgbasaozi Tinubu hụrụ foto ahụ sị ya na foto amaka ịbụ foto Tinubu oge ọ dị na nwata.

@Chymaker kwuru na ọ bụ ihe ihere ịkpa ụdị agwa a.

Ihe ndị na-akwado Tinubu kwuru

Mana dịka ụfọdụ na-akatọ Tinubu, ndị na-akwado onye a na-efere otu APC ọkọlọtọ na ntuliaka 2023 kwuru na akụkọ ahụ bụ imeghara ndị mmadụ anya.