Ihe ndị nwere agba na-ekwu maka ọnwụ Peace Anyiam-Osigwe, nwe 'AMAA Awards'
Ebe foto si, BBC/Sanwo-Olu/Twitter
Ọtụtụ ndị welitere isi na Naijiria atụọla arịrị maka ọnwụ onye hiwere nzere 'AMAA Awards bụ Peace Anyiam-Osigwe.
Anyiam-Osigwe nwụrụ na nsonso dịka ọ rịachara ahụ nwa oge.
Ụta m na-ata onwe m... Chioma Akpota
Omee ihe ejije Nollywood a ma ama bụ Chioma Akkpota tara ikikere eze na ya esochighị mkpnkkata ya na Osigwe nwere ikpeazụ tupu ọnwụ.
“Abalị abụọ a ka m na-agbalị ikweta na ị hapụla anyị.
Okwu kọrọ m n’ọnụ, Peace. Ụwatụụwa m, m ga na-ata onwe m ụta na m esochighị nkata ikpeazụ mụ na gị nwere.”
Edemede a nwere ihe ndị si na Instagram. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ Instagram iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of Instagram post
Peace Anyiam-Osigwe bụ otu n'ime ide ji Nollywood -Sanwo-Olu
Ebe foto si, Babajide Sanwo-Olu
Aka na-achị Legọs Steeti bụ Babajide Sanwo-Olu, kọwara nnukwu nnwaada Anyiam Osigwe dịka 'otu n'ime ide ji Nollywood:.
N'ozi iti aka n'obi nke ọnụ na-ekwuru ya bụ Gboyega Akosile, Sonwo-Olu tiri otu njikọrọ ndị na-emepụta ejije(Association of Movie Producers and the entire Nollywood industry) aka n'obi n'aha ezinaụlọ ya nakwa ndị Legọs steeti..Osi ahụ sịrị, " Peace Anyiam-Osigwe lara mmụọ bụ otu n'ime ide ji Nollywood na Naijiria."
" O jupụtara na nka ma bụụ otu ndị mmepụta ejije kachasị mma, ọ bụghị naanị na Naijiria kama n'Afrịka."
O jikwa onyenye Chukwu nyere ya kwalite ọha mmadụ."
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Peace Anyiam-Osigwe, onye Nollywood a ma ama alaala mmụọ
Ebe foto si, Peace Anyiam-Osigwe
Peace Ogechi Anyiam-Osigwe, nwa ada mmepụta ejije Nollywood mara, alaala mmụọ.
Nwa ada Anyiam-Osigwe bụ onye hibere emume nturuugo 'Africa Movie Academy Awards' (AMAA) nakwa ụlọọrụ Africa Film Academy, bụ nke na-ewu na mpaghara Afrịka niile.
Ozi si n'aka ndị ezinaụlọ ya kwuru na "Peace bụ Ada n'ezinụlọ Anyiam-Osigwe, ma bụrụkwa mmadụ pụrụ iche, onye nwere obi ọma, ezigbo onye ndu nakwa onye ma etu o si achụ ihe dị ya mkpa ma nweta ya".
"Anyị bụ ndị ezinaụlọ ya ga na-agba mbọ ịhụ na ọrụ ya niile ga na-aga n'ihu."
Ihe ndị gbara ọkpụrụkpụ na ndụ
- Aha nne na nna ya bụ Emmanuel Onyechere na Dorathy Osigwe Anyiam-Osigwe
- Ọ bụ onye Nkwere dị n'Imo Steeti mana nne ya si n'ezinụlọ Edozie dị n'Egbu, Owerri
- Ọ bụ ya bụ naanị nwaanyị nne na nna ya mụrụ
- Ọ bụ ya bụ nwa nke ikpeazụ
- O nwetara ọzụzụ dịka ọkaiwu n'ihi na nne ya chọrọ ka ọ bụrụ onye ọkaiwu mana ihe na-amasị ya bụ ịgụ na ide akwụkwọ, nakwa imepụta ihe nkiri
- Dịka ọ gụchara akwụkwọ ọkaiwu, ọ hapụrụ ya banye ọrụ ime ejije
- O mepụtara ejije mbụ ya oge ọ dị afọ 16
