Igbo idioms: Lee ụfọdụ akpalaokwu Igbo ji eri okwu na ihe ha pụtara

Tipa bu aja

Ebe foto si, GettyImages

    • Onye dere ya, Uche Akolisa
    • Ndị mere akụkọ a, Senior Journalist
  • Oge e ji agụ akụkọ nkeji 4

Akpalaokwu b okwu maọbụ ahiriokwu nghọta dị na ya dị iche na mkpụrụokwu e ji mebe ya.

Dịka ilu, akpalaokwu nke bekee kpọrọ 'idiom' bụ mmanụ ndị Igbo ji eri okwu.

Akpalaokwu bụ otu n'ụzọ e si achọ okwu mma n'ụzọ gosiri ihe omimi, dịka Chigozie Nnabuife bụ ọkammụta na nka Asụsụ (Linguistics) na mahadum 'University of Lagos' si kọwaa.

Ọ sịrị, "Akpalaokwu bụ ụzọ e si ekwu okwu n'ụzọ dị omimi ka nghọta ya were gbaa ilu karịa ka a tụrụ anya."

"Nke bụ ụzọ e si ekwu okwu dị omimi".

Ọzọ bụ na akpalaokwu bụ ụtọasụsụ e ji mara ndị nke na-adị iche site na asụsụ gaa n'asụsụ.

Njirimara akpalaokwu na ihe ndịiche dị na etiti ya na ilu

E nwere ihe dị iche n'etiti ilu na akpalaokwu.

Ha gunyere:

  • Akpalokwu na-adị nkenke karịa ilu.
  • Ilu na-abụkarị okwu nwere nkeji abụọ
Skip Akachasị Gụọ and continue reading
Akachasị Gụọ

End of Akachasị Gụọ

Nnabuihe sịrị, "Ilu na-abụkarị ahịrịokwu enwe ntụrị abụọ."

" Iji maa atụ, 'I ji maa atụ, 'ọkụkọ tụhie, olu hie ya.'"

"Ihe a kpọrọ aha n'akpalaokwu , ọtụtụ mgbe anaghị enwe ihe jịkọrọ ya na mpụtara ya."

"Mana n''ilu, mpụtara ya na-adị na ihe a kpọrọ aha."

Aka abụọ

Ebe foto si, Getty Images

Nkọwa foto, Ime aka abụọ enweghị ka nkọwa si metụta aka mmadụ

Lee ụfọdụ akpalaokwu na mpụtara ha:

1. Ọ bụ edi: Nke pụtara na onye a na-ekwu maka ya na-ehi oke ụra.

2. Anya dị ya n'elu: Nke a pụtara na ọ naghị etinye anya n'ihe nke ọma.

3. Ọ kwatara agba nna ya: Nnabuife kọwara sị, "patakwa agba ya, asịghị ya were agba nna ya. Ọ pụtara na ọ na-eme ka nna ya."

4. Ntị chiri ya: Nke a pụtaghị na onye a na-ekwu maka ya anaghị anụ ihe kama ọ bụ onye anaghị ege okwu a gwara ya.

5. Aka kpara ngaji, ure egbuo ọnụ: Nke pụtara ịhụ ihe ọma, obi atọ gị ụtọ.

6. Ime aka abụọ: Nke a pụtara na onye a na-ekwu maka ya na ezu ohi.

Gafere Ọkwa azụmahịa WhatsApp ma gaa n'ihu na-agụ
Anyị nọ na WhatsApp

Ugbua, i nwereike inweta akụkọ BBC Igbo niile n'ekwenti gị.

Pịa aka ebe a ka i soro anyị

Ebe Ọkwa azụmahịa WhatsApp kwụsịrị

7. Ịwa agba: Nke a pụtara na a ga-ata gị ahụhụ.

8. Edi suru ya ọnụ: Ọ bụ ajọ nwata maọbụ o nwere ajọ agwa.

9. Isi ike: Ọ naghị anụ ndụmọdụ.

10. Iti aka na tipa bu aja: Nke a pụtara i tinyere aka na nsogbu tara akpụ maọbụ ihe agaghị amịta mkpụrụ.

11. Afọ ịta mmiri: Nke a pụtara na onye a na-ekwu maka ya nwere obi ọjọọ

12. Obi dị ya n'azụ: Nke pụtakwara na onye anyị nwere obi ọjọọ, ọ naghị emere mmadụ ebere.

13. Akpịrị ogologo: Nke a pụtara na onye ahụ dị ụsa, ọ maghị etu a si asị mba ma enye ya ihe.

14. Aka esighị ya ike: Nke a pụtara na o nweghị ego.

15: O nwereobi mkpu: Ọ bụ onye anaghị emere mmadụ ebere.

16. Anya dị ya n'ama: Nke a pụtara na onye ahụ na-agba n'ezi.

17.Onye ihu abụọ: Nke a pụtara na onye ekwesịghị ntụwasị obi.

18. Ire dị ya nkọ: Nke a pụtara na ọ bụ onye asịrị.

19. Mmiri abakwala nwa m ntị: Nke a pụtara ihe ọjọọ emekwala nwa ya.

20. Onye ọkụ elu: Nke a pụtara onye akwụna.

21 Ị wa ajị n'ume: Nke a pụtara i jisi ike.

22. Ịdị ala nso: Nke a pụtara onye dị mkpụ mkpụ.

23. Obi kpọrọ ya nkụ/Afọ tara ya mmiri: Nke a pụtara na ọ bụ onye ajọ obi, o nweghị ọmịiko

24, Ọ tara isi mbe: Ihe anaghị emetụta ya maọbụ fụọ ya ụfụ.

25. Isi na-anọ ya ọkụ: Nke a pụtara na ọ ma akwụkwọ.

27. Ọ nwụ ọkwa n'aka were bịa: Nke pụtara na ọ bịara n'oge.

28. Inye aka azụ: Inye ngarị

29. Ipu eze elu: Onye ahụ mere arụ maọbụ ihe e kwesịghị

30. Inwe anya ọkụ: Nke a pụtara inwe obi adịghị mma n'ihi ihe onye ọzọ nwere

31. Ịkụkọ mmadụ isi: Itinye esemokwu n'etiti mmadụ na ibe ya

32. Ịgba isi akwara: I kwechiri