Eji m ụkwụ ụkpọrọ malite ịgba bọọlụ n'Aba - Uchenna Kanu

Aha onyonyo, Uchenna Kanu: Eji m ụkwụ ụkpọrọ malite ịgba bọọlụ n'Aba
Eji m ụkwụ ụkpọrọ malite ịgba bọọlụ n'Aba - Uchenna Kanu

Uche Grace Kanu bụ nwa afọ Naijirịa na-agbara Super Falcons bọọlụ akọwaala etu o si malite ịgba bọọlu ma ruo n'ogogo ọ nọ ugbua.

Na mkparịtaụka pụrụ iche ya na BBC Igbo nwere, Kanu sị na njem ịgba bọọlu ya malitere n'Aba mgbe ọ dị obere, oge ha na-agba ụkwụ ụkpọrọ agba bọọlụ dịka ihe egwuregwu.Eji m ụkwụ ụkpọrọ malite ịgba bọọlụ n'Aba - Uchenna Kanu

Kalu sị na ọ gbara bọọlụ n'ọtụtụ ebe n'Aba gụnyere Etche road, Okigwe road, Boys Technical College (BTC) dị na Faulks road.

Mana mgbe ọ malitere iji bọọlụ kpọrọ ihe bụ oge na ọ gbara otu egwuregwu 'Pepsi', Abia Angels mgbe a ka na-akpọ ha 'Standard Babes'.

Uchenna Kanu

Kanu sị na ọ bụ amara Chineke mere ka o ruo n'ogogo ọ nọ ugbua bụ ịgbara Super Falcons nke Naịjirịa nakwa Tigres Femenil nke Mexico bọọlụ.

Ọ gara n'ihu nye ndị na-agba bọọlụ chọrọ ịdị ka ya ndụmọdụ ka ha rubeisi, nwee umeala nakwa na-ege ndị nkuzi ha ntị.

Ọ sị na nke ka nke bụ ịtụkwasị Chineke obi, na ọ bụ ihe ndị a ga-enyere ha aka iru ogogo ha chọrọ.

Ihe I kwesịrị ịma maka Uchenna Kanu

Uchenna Kanu

Ebe foto si, uchenna_kanu_19/Instagram

  • Uchenna bụ nwafọ obodo Amamba Uzuakoli dị n'okpuruochịchị Bende nke Abia Steeti.
  • A mụrụ ya n'Aba n'ụbọchị 20 Juun, afọ 1997 nke pụtara na ọ bụ 'nwa Aba'.
  • Ugbua ọ na-agbara Super Falcons nke Naịjirịa nakwa Tigres UANL Femenil nke Mexico bọọlu n'ebe ihu (forward).
  • Otu egwuregwu ndị ọ gbaara bọọlụ gụnyere Southeastern Fire, Pensacola, Sevilla, Linkopings.