Sit-at-home: Etu atụmatụ a sị gaa n'Ọwụwa Anyanwụ taa Mee 2,2022
N' Ebonyi , ahịa zụrụ, ebe ndị mmadụ na-agagharịị onwe ha taa bụ Monde n'Abakaliki, isiobodo Ebonyi Steeti na mpagharị dị iche iche na steeti ahụ.
Cheta na kemgbe afọ, a na-enwe nọrọụlọ na steeti dị iche iche n'Ọwụwa Anyanwụ na-agbanyeghị na otu nwereonwe Biafra tinyeburu mmachị ahụ ekwuola na ha amaghapụla ya bụ mmachi.
Onye ntaakụkọ anyị gagharịrị na'Ebonyi steeti ahụ kwuru na ọtụtụ ụlọakụ mepere.
O kwuru na ọ bụ naanị ndị ọrụ oyibo bụ ndị agaghị ọlụ n'ihi ụbọchị ezumike nke hgọọmenti tinyere maka ndị ụka Alakuba na-eme emume Eid el-Fitri.
Na Nnewi, Anambara Steeti
Na Nnewi, Anambara, e nweghị ngagharị mmadụ maọbụ ụgbọala.
Otu bi na-achọghị ka a kpọ aha kwuru na' "Ogbugbu mmadụ a na-egbuzi otu abalị tupu ụbọchị nọrọnụlọ e mere ka egwu na-ejide ndị mmadụ ụbọchị nọrọn'ụlọ."
Cheta na Gọọmentị Etiti nwụchiri Nnamdi Kanu, onye ndu otu nwereonwe Biafra a kpọrọ Ipob na mba Kenya, kpụlata ma kpụpụ ya ụlọikpe maka ebubo iyi ndụ egwu nakwa ịkpa nkata ịkwatu gọọmentị.
Kemgba a malitere ikpe ya , otu Ipob tinyere nọrọ n'ụlọ ụbọchị Monde nile nakwa ụbọchị ọbụla e nwere ikpe ya.
Mana ha mechara wepụ mmachi ahụ ma tinye ya naanị n'ụbọchị e nwere ikpe ya.
Ma na-agbanyeghị nke a, egwu anaghị ekwe ndị mmadụ ịpụta ama n'ụbọchị Monde dịka ụfọdụ ndị pụtara zutere ihe ike maọbụ ọnwụ.
