Anambra Airport: Ihe na-esere gọọmentị Anambra na ndị ntorobịa Umueri gbasara ọdọụgbọelu

Ụmụnwaanyị ewela iwe

Ebe foto si, AFP

Ndị obodo Umueri dị na mpaghara Anambra East, mere ngagharịiwe n'ụbọchị Mọnde gbasara ala ha ebe gọọmentị Anambra steeti na-arụ ọdọụgbọelu ọhụrụ.

Iwe ha bụ na gọomentị banyere n'ala ha kwekọrịtara ịhapụrụ ha dịka ha na-eti mkpu na ya bụ ọdọụgbọelụ e wekọrọla ala ha.

Onyeisi ụmụntorobia n'Ọgbụ bụ Sunday Okafo gwara BBC Igbo na ndị mere ya bụ ngagharịiwe bụ obodo atọ dị n'Ifete Umueri (Ọgbụ, Mgbede na Ụmụatuolu).

N'okwu ya, ndị obodo begaara gọọmentị Anambra steeti akwa na-arọ ka ahapụrụ ha ụfọdụ ala ha ewepụtara maka ya bụ ọdọụgbọelu.

Okafo kwetakwara n'ezie, na Gọọmentị kwetere hapụrụ ha otu mpaghara ala dị na "Parcel D" dịka ha kpọrọ ya na Bekee.

Aha onyonyo, Anambra State Airport: N'Aba ka e si nweta ngwa ọrụ e ji rụọ ọdọụgbọelu a

O kwuru na "ya bụ 'Parcel D' ruru 288 'hectres'".

Mana ndị obodo mechara rịọwa gọọmentị ka ha wanyekwuo ha ala ọzọ ebe ụlọ ndị mmadụ, ụlọakwụkwọ na okwu arụsị ha dị na "Parcel C".

Okafo sị na Onyeisi ha na gọọmentị mere njem nleta n'ala ahụ were hụ n'ezie na ihe ndị ahụ ha kpọrọ aha dị ebe ahụ.

Skip Akachasị Gụọ and continue reading
Akachasị Gụọ

End of Akachasị Gụọ

Anambra airport
Nkọwa foto, Ụlọ ebe a na-eche ụgbọelu n'ọdọụgbọelu Anambra

Ọ sị na Gọọmentị kwetara ịwanyekwu ha obere ala ebe ahụ.

Mana ihe gbagwojuru ha anya bụ na ụnyaahụ ka ha hụziri ka Gọọmentị ji nnukwu ụgbọala 'truck' na-egburi ala ebe ahụ.

Ya meziri ha ji mewe ngagharịiwe, mere e jizi kwụsi ya bụ ọrụ ruo mgbe gọọment na ndị obodo kpeziri.

Aha onyonyo, Ebonyi Airport: "Tupu 2021 a gwu, ụgbọelu ga-ada n'Ebonyi steeti"

Kọmishọna mgbasa ozi Anambra steeti bụ Don Adinumba sị ọ nweghị mgbe Gọọmentị ji kweta ịnye ndị obodo Umueri mpaghara ahụ a kpọrọ 'Parcel C'.

Dịka Adinuba si kwuo, "Gọomentị na ndị obodo nwere ọgbakọ n'ụbọchị asatọ nke ọnwa Maachị n'obi Gọọmentị dị n'Ọnịcha bụ ebe ha nọ kwekọrịta ịnya ha 'Parcel D'".

"Gọomentị nyekwara ha ego ha kwuru nke mere ha obi ọma ụbọchị ahụ".

Ọ sị na ọ gbagwojuru Gọọmentị anya na ha lọghachitere bịa nawa ala ọzọ.

Anambra airport
Nkọwa foto, Okporoụzọ mfepụ ụgbọelu ọdọụgbọelu Anambra

Otu onye ọnụ na-erụ n'okwu na Gọọmentị Anambra steeti na-achọghị ka a kpọọ aha ya sị na "Ọnweghị ezigbo ihe dị n'ala ahụ ndị obodo na-ana."

Ihe mere bụ na ala ebe ahụ tinyekwuru ego n'ihi ọgbọụgbọelụ arụrụ ebe ahụ.

"Ọ bụ ya mere ha jị ana Gọọmentị ala ọzọ nke ndị mmadụ chọrọ ire".