South East Security : Onitsha Ado Vigilante Unit na ihe i kwesịrị ịma maka ya

Nkọwa foto, Mgbe a na-edu ndị otu nchekwa Onitsha Ado n'iyi ọrụ

23 Maachị 2021

Oge e ji agụ akụkọ nkeji 2

Obi nke Onitsha bụ Igwe Nnaemeka Achebe nọọrọ n'ọnwa Febụwarị afọ 2021 kpuhee otu nchekwa ọhụrụ nke obodo ahụ a kpọrọ 'Onitsha Ado N'Idu Vigilante Unit'.

E hiwere otu nchekwa iji gbaa mgba megide mpụ, ohi nakwa ihe ndị arụ ndị ọzọ metụtara nchekwa n'obodo Onịcha na gburugburu ya.

Aha onyonyo, Akụnaụba obodo a adaala kemgbe ihe mere n'Orlu - Eze Amaifeke

E bunyere ha ụgbọala nakwa ihe ndị ọzọ ga-enyere ha aka ichekwa obodo ọfụma.

Ihe i kwesịrị ịma maka 'Onitsha Ado N'Idu Vigilante Unit'

E hiwere otu a n'usoro iwu na-achịkwa otu nchekwa n'Anambra Steetị bụ 'Anambra State Vigilante Services' dịka e depụtara n'akwụkwọ ozi 'Onitsha Foundation Newsletter'.

Mmadụ iri itoolu na otu natara ọzụzụ mbụ isonye n'otu nchekwa a.
Ha natara ọzụzụ n'aka 'Anambra State Vigilante Services' nakwa ndị uweojii.

Nkọwa foto, Igwe Nnaemeka Achebe ka ọ na-edu ndị otu nchekwa Onitsha Ado n'iyi ọrụ

A zụrụ ha na usoro ime iihe dị iche iche gụnyere; ịlụ ọgụ, inweta ozi pụrụiche zoro ezo nakwa ime nnyocha, mmụta ikike dịrị onye dgz.

Site n'ọzụzụ ndị 'Anambra Vigilante' nyere ha, ha nwere ikike ibu egbe nga ọgụ.

Ndị kwadoro ọzụzụ nakwa ihiwe otu nchekwa a gụnyere gọọmentị Anambara Steetị, ndị uweojii nakwa ndị Eze ọdịnala Onicha.

Ihe na-eso nhiwe otu nchekwa

Ọtụtụ ndị mmadụ gụnyere Nnamdi Kanu bụ onye ndu Ipob etinyela ọnụ n'okwu ihiwe otu nchekwa Onitsha Ado Vigilante Unit.

Kanu sị ka Igwe Achebe ekwela ka e were ọkwa ya bute nsogbu nye ndị Eastern Security Network bụ nke Kanu n'onwe ya hiwere.

Ọ sị ma ọ bụghị ya na Igwe Achebe na ndị otu ya ga-ebe akwa.

Skip Akachasị Gụọ and continue reading

Akachasị Gụọ

End of Akachasị Gụọ

Skip X post

Hapụ X ihe dị na ya?

Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

Warning: Third party content may contain adverts

End of X post