Femi Fani-Kayode na Precious Chikwendu: Gịnị na-esere di na nwunye a?

18 Septemba 2020

Mgbe ikpeazụ e tinyere ya ozi ọhụrụ 6 Maachị 2021

Oge e ji agụ akụkọ nkeji 3

Esemokwu dị n'etiti Femi Fani-Kayode na nwunye ya bụ Precious Chikwendu abụghịzi ihe a na-ezo ezo.

N'ọnwa Sepụtemba afọ 2020 ka akụkọ fesara na mmadụ abụọ a agbasaala, mana n'ọdị nso a ka Chikwendu gbara akwụkwọ n'ụlọikpe ka e kewaa agbamakwụkwọ ya na Fani-Kayode, bụ onye jibu ọkwa Mịnịsta njem ụgbọelu na Naịjirịa.

Ha abụọ mụrụ ụmụ anọ, nwoke nwoke.

Gịnị na-ese?

N'akwụkwọ ahụ Chikwendu gbara n'ụlọikpe, o boro Femi Fani-Kayode ọtụtụ ebubo.

O kwuru na Fani Kayode ji ya mere ịgba, na-akụ ya oge ọbụla dị ya mma
Chikwendu kwuru na Fani Kayode tiri ya ihe ugboro ugboro oge o bu afọ ime nke mbụ na nke abụọ ya
O kwukwara na ọ na-emenye ya ihere maọbụ gbaa ya ọtọ
"Enwere m ihe onyonyo nakwa okwu ọnụ iji gbaa akaebe ihe m na-ekwu," Chikwendu dere n'akwụkwọ o gbara n'ụlọikpe.

Chikwendu kwuru na ọ chọrọ ka ụlọikpe kpọnye ya ụmụ ya, ma nyekwa iwu ka Fani-Kayode na-akwụ ya nde naịra atọ na ụma ise kwa ọnwa iji leta ha anya.

Ihe Femi Fani-Kayode sara

N'ụbọchị Satọde, Femi Fani-Kayode wepụtara akwụkwọ ozi ebe ọ nọrọ kwuo na ebubo niile Chikwendu boro ya bụ asị asị.

Akwụkwọ ozi a si n'aka onye enyemaka mgbasa ozi Fanị Kayode bụ Oladimeji Olaiya, kwuru sị:

"Onweghị mgbe Fani-Kayode tiri nwunye ya kpam n'ahụ."
"Onweghị mgbe o tiri ya ihe oge ọ dị ime."
"Ọ bụ Chikwendu ji aka ya kwara ihe ya pụọ, n'agbanyeghị na onye ọbụla na-arịọ ya biko ka ọ nọrọ."
"Ọ bụ Fani-Kayode jụrụ na ọ gaghị alọghachi azụ n'ụlọ ya."
"Ọ bụrụ na akpọnye ya ụmụaka a, ọ ga-abụ itinye ha n'ize ndụ."

Olaiya kwuru na ha nwere ihe akaebe ha ga-egosi n'ụlọikpe iji gosi na ihe ha na-ekwu bụ eziokwu.

Skip Akachasị Gụọ and continue reading

Akachasị Gụọ

End of Akachasị Gụọ

Amabeghị mgbe a ga-ekpe ikpe a.

Onye bụ Precious Chikwendu nwunye Fani-Kayode?

Akụkọ na-ewu ugbua bụ na Precious Chikwendu na di ya bụ Femi Fani-Kayode agbaala alụkwaghịm.

Akụkọ a malitere iwu n'ụbọchị Tọọsde mgbe Precious dere ngụpụta akwụkwọ nsọ n'Instagram ya.

Nke mere otu ngalaba mgbasaozi n'ịntanet bụ 'blog' ji dee sị na o kwuru na ọ sị na ya na di ya agbasaala.

Ihe ndị mmadụ na-ekwu maka ọkụ Tonto Dikeh munyere na soshal midia

Skip Instagram post

Hapụ Instagram ihe dị na ya?

Edemede a nwere ihe ndị si na Instagram. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ Instagram iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

Warning: Third party content may contain adverts

End of Instagram post

Content is not available

View content on InstagramBBC anaghị ahụta maka ọdịnaya nke saịtị ndị dị na mpụga.s

Mana ọtụtụ ndị mmadụ maara Fani-Kayode amaghị onye bụ nwunye bụ Precious Chikwendu Fani-Kayode.

Ihe i kwesịrị ị ma maka Preciuos Chikwendu.

Precious Chikwendu bụ nwada Igbo si Anambra Steetị.
A mụrụ ya n'ụbọchị 25 ọnwa Mee nke afọ 1989 n'ime ezinaụlọ ụmụaka asaa nke ọ bụ nwa nke abụọ.
Ọ gụrụ akwụkwọ praịmarị n'ụlọakwụkwọ Makurdi International na nke Sekọndịrị n'ụlọakwụkwọ ECWA dị chaa na Benue Steetị.
Ọ gara mahaudum Calabar dị na Cross Riva Steetị ebe ọ gụrụ maka gburugburu ebe obibi (ngalaba nchekwa ọhịa na ndụ ụmụanụmanụ).
Ọ malitere ime ngosi uwe a kpọrọ 'modelling' n'afọ 2006 ma turuugbo n'ihe ngosi a kpọrọ 'Miss United Nation n'ọnwa Juun, 2014.
Precious Chikwendu Fani-Kayode nwere ụlọọrụ na-ere akwa a kpọrọ 'Glowria Snow Fashion House'.
Ọ lụrụ Femi Fani-Kayode ma mụtara ya ụmụnwoke anọ gụnyere ụmụ ejima atọ ọ mụrụ n'ụbọchị 25 ọnwa Mee afọ 2018.

Na nzaghachị n'akụkọ ịgba alụkwaghịm ha, di ya bụ Fani-Kayode agbaala ụlọ mgbasaozi ahụ akwụkwọ n'ụlọikpe maka imetọ aha ya.