Donald Trump on Iran: Ndị mba Iran na-atụ 'asị ọcha' maka CIA
Ebe foto si, Getty Images
Onyeisiala mba Amerịka bụ Donald Trump ekwuola sị na akụkọ ndị Iran na-akọ na ha agbabọọla ọrụ nzuzo ndị Central Intelligence Agency (CIA) bụ asị ọcha.
Ndịisi na Tehran bụ isiobodo mba ahụ kwuburu na ha nwụchiri mmadụ iri na asaa bụ ndị mba ha ha na-enyo na ha bụ ndị ọrụ CIA, ma maa ha ikpe ọnwụ.
Lee ihe o dere n'elu Twitter ya:
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 1
N'egwuregwu,
Antoine Griezmann ka banyere Barcelona kwuru na etu ndị otu ọhụrụ ya si agba bọọlụ na-amasị ya.
Ebe foto si, Getty Images
O kwuru na ọ ga-amasịkwa ya igbanwe etu o si agba bọolụ ka o nwee ike ị na-eme etu ibe ya mere.
Udele nwụrụ n'Enugwu steeti
Ndị na-azụ ahịa n'Eke Ihe dị n'Awgụ, Enugwu steeti, ekwuola na ọ bụ eziokwu na udele karịrị ọgụ dara otu mgbe n'ahịa ahụ ma nwụọ, kamana ọ bụghị anụ ha riri gburu ha.
Otu onye Ihe gwara onye ntaakụkọ BBC na a na-enyo na o nwereike bụrụ na achịnyere ụtaba n'ime eriri afọ ehi e wepụtara n'ime ehi ahụ nwụrụ anwụ, nke udele ndị ahụ riri tupu ha anwụọ.
Gụọ akụkọ a n'uju ebe a: Ọ bụghị anụ ehi gburu udele nwụrụ n'Eke Ihe dị n'Enugu state
Ngagharịiwe ndị Shiites
Ebe foto si, Getty Images
Ọtụtụ mmadụ emerụọla ahụ dịka ndị Islamic Movement of Nigeria (IMN) a na-akpọ Shiites na ndị uweojii takọtara isi ọzọ n'Abuja.
Nke a bidoro dịka ha na-eme ngagharịiwe ka gọomentị tụhapụ onyeisi ha bụ Ibrahim El-Zakzaki eji na mkpọrọ kemgbe afọ 2015.
Gụọ akụkọ a n'uju ebe a: Ndị Shia na ndị uweojii na-akwata ya n'Abuja
Onyeisiala Naịjirịa agọrọla aka na ụkwụ ya
Ebe foto si, Getty Images
Onyeisiala Naịjirịa agọrọla aka na ụkwụ ya n'okwu na-efegharị na ọnọdụ nchekwa ndụ na akụ mmadụ emebiela kpam kpam na Naịjirịa.
Onye enyemaka pụrụiche nke onyeisiala n'okwu mgbasaozi bụ Garba Shehu kwuru nke a mgbe ụlọntaakụkọ Channels gbara ya ajụjụ ọnụ.
Shehu kwuru na udo dị na mpaghra ugwu nakwa na Niger Delta dịka ụmụ Naịjirịa na-ebeku goomentị ha kwụsị oke ogbugbu na-akpọtụ ebe niile.
N'akụkọ yiri ibe ya gọọmentị Naịjirịa asaala otu PDP maka ebubo imefu otu ijeri dọlla nke si n'akapego Naịjirịa amapụtara maka ịbuso ndị Boko Haram agha.
Garba Shehu kwuru na ebubo ahụ enweghi isi ma gaa n'ihu kọwa na esi n'ego ahụ zụọ otu ụgbọelu ọgụ ma debe ego nke fọrọ na ya.
Na mba ofesi,
Akụkọ si na mba Kongo apụta n'ụtụtụ a na-ekjwu amachiela ọgbakọ ndọrọndọrọ ọbụla n'isi obodo mba ahụ bụ Kinshasa.
Dịka ụlọọrụ ntaakụkọ bụ AFP si kwuo, nke a bụ maka esemokwu dị n'etiti ndị nso otu ndọrọndọrọ dị icheiche.
N'egwuregwu,
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 2
Aka chiburu otu Super Eagles bụ Bonfrere Jo ekwuola na ndị ọgba bọọlụ Naịjirịa ndị obere nwereike ịbuli otu Super Eagles elu maọbụrụ na eleta ha ma kuziere ha ọfụma.
O kwukwara na Naịjrịa nwere odogwu kwuru odogwu n'ịgba boolu na Naijirịa.
