Imo Awka: Mmemme a bụ Opu-Eke
Ka mgbe otu Udi uka mmemme dị iche iche juputara n'Awka iji kelee o Awka maka nchekwa ochekwabara ha ya na ịza ha ekpere mgbe niile.
Mmemme "Opu Eke, Imo Awka" bụ ụbọchị ụmụnwaanyị na-efe Imo Awka ji enye ya onyinye maka nchekwa ya n'afọ gara aga.
Ha na ekwe ya nkwa, yọkwaa ya arịrịọ ngozi maka afọ ọhụrụ nke ha na-abanye.
Lee etu o si gaa ka BBC Igbo tụrụ ụkwụ ebe ahụ n'ụbọchị nke mbụ:
E mere emume a ụbọchị abụọ tupu ọ bịa n'isi njedebe.
N'ụbọchị nke abụọ, ndị nmmadụ pụtara n'igwe iji bịa nwere obi aṅụrị dịka emume a na-aga.
Na ya bụ obi arụsị ahụ nke a na-akpọ "Ọrụrụ Imo Awka" ndị Ezenwaanyị dị icheiche kpụtara ya bụ arụsị ehi, ebune, ji nakwa onyinye ndị ọzọ.
Nke a bụ iji gosi obi ụtọ ha na ebe arụsị Imo Awka nọ nke ha na-akpọ nne ha.
Naanị out nwoke na-akụ ya bụ opu Eke, ọbụkwazị naanị onye Eze nwaanyị tozuru etozu, nọrọ na mmụọ ka ya na arụsị Imo Awka ga-agbakọ Opu Eke ya.
