Priscilla Ekwueme Eleje: Onye bụ nwaanyị a na-akpa ike?

Oge e ji agụ akụkọ nkeji 1

Priscilla Ekwueme Eleje bụ nwaanyị mbụ mbinyeaka ya na-apụta n'ego Naịjirịa nke otu puku, n'ime afọ iri isii na otu.

Ọ bụkwa nwaanyị nke mbụ ga-anọ n'ọkwa "Director of Currency Operations" n'ụlọakụ etiti na Naịjirịa.

Ihe abụọ ndị a bụ ihe mere o ji ewu ewu ebe niile na Naịjiria gụnyere soshal midia.

Lee ihe ndị anyị chọpụtara maka ya.

Ọ bụ onyeisi na-ahụ maka ngagharị ego na Central Bank bụ ụlọakụ etiti Naịjirịa.

  • Ọ gụrụ akwụkwọ na Mahadum nke Jos dị na Plateau steeti n'afọ 1981 na afọ 1984.
  • O bidoro ọrụ n'ụlọakụ etiti n'afọ 1984 rue afọ 2010 mgbe ọkwa ya rịrị elu.
  • Ọ gụkwara akwụkwọ na mahadum Boston dị na Massachusetts dị na mba Amerịka.

Priscillia ga-esonye Ngozi Okonjo Iweala na Sandie Okoro bụ ụmụnwaanyị Naịjirịa abụọ nwere ọkwa n'ụlọakụ ukwu nke ụwa niile.

Anyị ga-ewetakwa ihe ndị a na-amaghị maka Odoziakụ Priscillia Ekwueme Eleje.

Akụkọ ga-amasị gị