Lagos International Trade Fair: Ụjọ atụla unụ makana gọọmenti etiti achọghị ire ahịa a
N'ụtụtụ ụbọchị Monde, Maachị 18, ọnụ ama 'International Trade Fair Complex' nke a maara dịka "Ahịa Aspamda" na-asụ ka mmiri ọkụ dịka ụmụ Igbo nọ n'ahịa ahụ mere ngagharịiwe.
@andybes50484929 setere ihe a ma tinye ya n'akara twitter ya.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Kepukepu na gọọmenti chọrọ ịnaghara ha ọdọahịa a ma nyefee ya n'aka nna nnukwu ọzọ, na-efegharị.
A kpọchiri ọnụ ebe e si abanye ahịa ahụ ebe elekere asatọ nke ụtụtụ dịka ndị Igbo ahụ jụrụ na ha agaghị ekwe ka nkata gọọmentị etiti na-akpa iji weghara ọdọahịa ahụ nye onye ọzọ, mịta mkpụrụ.
N'okwu ya, onye nchikọta ndị ahịa ahụ bụ Tony Obih, kwuru na ihe mere ha ji gbachie ụlọahịa ha n'ụtụtụ a bụ maka kepukepu ha nụrụ na gọọmenti etiti chọrọ iwere ahịa "trade fair" nyefee n'aka ndị
gọọmenti Legọs steeti.
Cheta na gọọmentị etiti gbazinyere ala (lease) maka ahịa n'afọ 1994, ebe a malitere ịrụ ahịa ebe ahụ n'afọ 2000.
Ụfọdụ ndị ahịa gwara onye ntaakụkọ BBC na ihe mere maka ọnọdụ Ndigbo kwụ n'etu ha siri tụọ vootu na ntuliaka e mere na nso nso.
Oge BBC Igbo kpọrọ Kọmishọna mgbasaozi nke Legọs steeti bụ Kehinde Bamigbetan iji nụta uche gọọmenti steeti ahụ maka okwu ahụ, o kwuru na ya amaghị maka ya.
Bamigbetan kwuru na ya enweghị ike ikwu banyere okwu ahụ a kpụ n'ọnụ ma ọ bụrụ na imeobi gọọmenti ezukọghị kpaa maka ya.
