Nigerian music Concert: Etu ị ga-esi gbanahụ mwakpo na mmemme egwu

28 Disemba 2018

Oge e ji agụ akụkọ nkeji 2

Etu ị ga-esi chekwaba onwe gị na mmemme egwu a kpọrọ "music concert" na Bekee.

Oge mmemme ekeresimesi bụ oge ndị mmmadụ ji apụ apụ ekworị ndụ.

Ebe ọ na-akpọtụ akpọtụ ka ụmụntorobịa na-aga oge ekeresimesi a na emume ndị ọzọ.

Otu n'ime ebe a bụ nzukọ ebe ndị n'eti egwu na-abịa agụ egwu ha nke ndị Bekee kpọrọ, "music concert".

Anyị anụla ọtụtụ akụkọ gbasara ka esi awakpo ụmụnwaanyị n'ebe dị etu a.

E nwere ike iwakpọ gị bụ nwaanyị n'ụdịrị mmemme a dị ka e si mee nwaanyị a.

Ọ gara mmemme Davido mere na nsonso a wee kwuo na a nara ya ekwentị ya ma wakpokwa ya.

Skip X post

Hapụ X ihe dị na ya?

Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

Warning: Third party content may contain adverts

End of X post

Content is not available

View content on XBBC anaghị ahụta maka ọdịnaya nke saịtị ndị dị na mpụga.s

Lee ụfọdụ azụ ndị ọkachamara n'ihe gbasara nchekwa tụnyere anyị bụ ka ụmụnwaanyị na-aga ikpori ndụ ga esi were chekwaba onwe ha.

Skip Akachasị Gụọ and continue reading

Akachasị Gụọ

End of Akachasị Gụọ

Uzoma Anyaora kwuru sị:

Ụmụnwaanyi na-aga ụdị ebe a kwesịrị ijide ihe ndị Bekee kpọrọ "taser" ya na "pepper spray" ọ ga-abụ onye bịa inye ha nsogbu, ha ewere ihe ndị a were chekwaba onwe ha.

Onye ị gbara "pepper spray" ga-eburugodu ụzọ chọwa etu ọ ga-esi hụ ụzọ tupu ọ kọwa etu ọ ga-esi metụ onye ọzọ aka.

Ose na mmiri — Nkọwa foto, ị ga-ejinwu ose na mmiri a gwọkọrọ ọnụ rụọ ihe Bekee kpọrọ "pepper spray" nke ị ga-ejinwu gbaa onye ọbụla wakporo gị n'ihu

Nma Olebara kwuru sị:

Ụmụnwaanyị kwesịrị ịnọkọ ọnụ, na-aga n'igwe n'ihi na ọ na-ahịa ahụ ịwakpo ọtụtụ ụmụnwaanyị nọkọrọ ọnụ.

Ọ bụrụ na gị bụ nwaanyị hụ na ị nọ na nsogbu maọbụ na o nwere onwe chọrọ ịwakpo gi, tiwe mkpu, kpọba oku ka ndị mmadụ mara ihe n'eme.

Haruna Mohamed kwuru sị:

Onye ọbụla ejina ihe bara uru maọbụ dị ọnụ were gawa ụdịrị ebe ahụ dịka ọlaedo na ọlaọcha maọbụ ekwentị.

Gbaa mbọ hụ na ị nwere akara ekwentị ndị uweojii nọ na okirikiri ebe a na-eme mmemme ahụ ka ọ ya abụ ọ kpọtụba, ị kpọrọ ha ka ha nwee ike ịgbata ọsọ enyemaka.

Ndị okachamara n'ihe gbasara nchekwa kwukwara na ọ dị mkpa na ụmụnwaanyị yichiri onwe ha ọfụma ma ha na-aga mmemme ahụ ma hapụkwa ịṅụ oke mmanya ka ha were mara oge ịhe ọbụla bidoro.