Jubril: Anwụghị m anwụ, a ka kwụm chịm - Buhari
Ebe foto si, @Bashir Ahmad
Onyeisiala Naịjirịa bụ Mohammadụ Buhari azarala ọnụ ya n'ebubo Nnamdi Kanu boro ya na ọ nwụọla kamgbe afọ 2017.
Buhari katọọrọ ebubo a site n'okwu o kwuru mgbe ya na ndị Naịjirịa bi na obodo Krakow nke mba Poland na-akparị ụka.
Onye enyemaka ya pụrụiche na mgbasaozi ọgbara ọhụrụ bụ Bashir Ahmad depụtara nke n'akara twitter ya;
Buhari kwuru "Ọtụtụ ndị chere na m nwụrụ n'oge m na-arịa ọrịa. Ihe a bụ mụ n'ezie."
"Aga m eme emume ncheta afọ iri asaa na isii nke ọ mụmụ m. M ka ga-adị ike."
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
N'aka nke ọzọ onye ndu Ipob bụ Nnamdi Kanu ekwuola na onweghi mgbe ọ sịrị na a kpụrụ Buharị akpụ.
O kwuru na ọ bụ onye ọzọ a kpọrọ 'Jubrin' si na Sudan na-anọchi anya ya n'ọkwa dịka onyeisiala.
Kanu kwuru nke a na mgbasaozi ya n'igwe Radio Biafra ụnyaahụ n'iji zaghachị okwu Lai Mohammed kwuru.
