FIBA Women's World Cup: Ụmụnwaanyị Igbo mere ihe ụmụnwoke emenwughi

Ụmụnwaanyị Naịjirịa agefeela agba ụmụnwoke na-erubeghi n'asọmpi Iko Mbaụwa nke egwuregwu bọọlụnkata.

Ụmụnwaanyị Igbo so n'otu 12 gara ịnọchite anya Naịjiria na ya bụ asọmpi ruru mmadụ asatọ.

Otu ha ama dịka D'Tigress, metara ihe e ji kpụrụ ha n'ọnụ site n'ịbụ mba Afrịka mbụ ga-enweta mmeri ugboro atọ n'egwuregwu n'asọmpi Iko Mbaụwa nke bọọlụnkata ụmụnwaanyị.

Ha bụkwa mba Afrịka mbụ na-eru agba anọ nke ikpeazụ (quarterfinals) n'asọmpi bọọlụnkata ụmụnwaanyị.

Ụmụ Igbo nọ n'otu a

1) Promise Amukamara

Nwaada a na-eji ịtụ bọolụnkata akpata ego n'otu Phoenix Mercury dị na mba Amerịka.

2) Ezinne Kalu

Nwaada a na-emepụtakwa ma na-ere ngwa e ji achọ mma nke Bekee kpọrọ 'cosmetics'.

Ọ na-eji ịtụ bọọlụnkata akpata ego n'otu Vasas Akademia dị na mba Hungary.

3) Cecilia Okoye

Nwaada a bụkwa onye na-ese ihe osise a kpọrọ 'artist' na Bekee.

Ọ na-atụ bọolụnkata n'otu PBC Tirana dị na mba Albania, ebe ọ na-eji ya akpa ego.

4) Nkem Akaraiwe

Nwaada a na-eji ịtụ bọọlụnkata akpata ego n'otu First Bank Basketball Club dị na Naịjirịa.

5) Nkechi Akashili

Nwaada a na-eji ịtụ bọọlụnkata akpata ego n'otu First Bank Basketball Club dị na Naịjirịa.

6) Adaora Elonu

Nwaada a na-eji ịtụ bọọlụ akpata ego n'otu Perfumerias Avenida Salamanca dị na mba Spain.

7) Sara Ogoke-Ejiogu

Nwaada a na-eji ịtụ bọolụnkata akpata ego n'otu Celta Baloncesto Vigo dị na mba Spain.

Ọ bụkwa ihe Bekee kpọrọ 'model'.

8)Jasmine Nwajei

Nwaada a ka gụchara akwụkwọ na mahadum Syracuse dị na mba Amerịka ebe ọ nọkwa na-atụ bọọlụnkata tupu Naịjirịa a kpọrọ ya.