#EkitiElection: A na-ekezi ego n'Ekiti?

Aha onyonyo, #Ekitielection: Ego ọ chị ọgbọ na ntuliaka Ekiti?

Ugo eberela na mgbagbu n'Ekiti steeti, dịka ntuliaka Gọvanọ n'Ekiti steeti na-ebiri ọkụ echi bụ Satọde.

Akụkọ si isi obodo steeti ahụ bụ Ado-Ekiti apụta bụ etu ego si si n'aka na-efere aka dịka ndị na-azọ ọchịchị na-achọ igote ndị ga-atụnyere ha na ntuliaka ga-eme echi.

Onye ntaakụkọ BBC gara mee nyocha n'Ekiti chọpụtara na otu patị dị iche iche ọkachasị PDP na APC na-ama aka onye ego ka dị n'akpa ya dịka ha na-eke ndị mmadụ ego na wọdụ na wọdụ (ward).

BBC hụrụ ọtụtụ ndị mmadụ ka ha na-agba ọsọ na-agbaga n'isi ụlọọrụ wọdụ ha ịketa opekata mpe puku naira anọ (N4,000).

Okporoụzo Ado-Ekiti
Nkọwa foto, Ntuliaka Gọvanọ na-ebiri ọkụ n'Ekiti echi

Na mkparịtaụka onye ntaakụkọ BBC nwere, ọ jụrụ ọtụtụ ndị na-agba ọsọ ebe ha na-aga, ọsịsa ha nyere ya bụ ịjụ ya wọdụ ya ma gwa ya ka ọ gaa ebe ahụ ga nara oke N4,000 nke ya.

BBC: "Ebee ka unu na-agbaga?"

Nwaanyị: "Ebee bụ wọdụ gị?"

BBC: "Wọdụ 11"

Skip Akachasị Gụọ and continue reading
Akachasị Gụọ

End of Akachasị Gụọ

Nwaanyị: (Tụọ aka) "Gawa ebe ahụ"

BBC: "Gịnị ka ha na-eme ebe ahụ?"

Nwaanyị: "A na-eke ego."

BBC: "Ego ole?"

Nwaanyị: "N4000"

BBC: "Ọ bụ onye ka a sị anyị tụnyere?"

Nwaanyị: "Onye masịrị gị. (Ma wedata olu ya ala) Fayemi."

Ndị ọzọ onye ntaakụkọ BBC jụkwara ajụjụ gosiri na otu PDP sokwa na ndị na-eke ego.

Akụkọ ga amasị gị: