Nne Shekau: Ahụbeghị nwa m kemgbe afọ 15

15 Juun 2018

Na mkparịtaụka mbụ ya na onye ntaakụkọ na-enwe, Falmata Abubakar gwara ụlọọrụ akụkọ "Voice of America" na ya amaghị ebe Shekau nọ maọbụ ọnọdụ ya.

"Amaghị ma ọ dị ndụ ma ọ nwụrụ anwụ. naanị Chukwu ma. Ahụbeghị ya kemgbe afọ iri na ise."

'Nye anyị Shekau were nde Naira atọ'
Nwunye dibia Boko Haram achịliela aka elu
'Social media' enwurula ọkụ maka Aisha Wakil

Nne Shekau kwuru na onyeisi ndị otu oyi egwu bụ Boko Haram hapụrụ Maiduguri, isiobodo Borno steeti, oge ọ ka bụ nwata dịka "almajiri" - nwata na-achọ ị mụta nkuzi alakọba.

A mara Shekau dịka onye ndu otu kparala mkpamkpa ma gbuo puku kwuru puku ndị mmadụ na Naijiria, Kamerun, Chad na Nijia.

Shekau e jirila aka ya gbuo Otụtụ mmadụ ngụnyere ndị so n'otu ya. O mebikwara ọtụtụ obodo ma laa ọtụtụ ndụ n'iyi na mpaghatra ọdịda anyanwụ ugwu Naijiria.