Maina, Metuh na ndị ọzọ bu ahụ ọrịa bịa n'ụlọikpe
Ebe foto si, Channels TV/Twitter/Screenshot
Dịka onye bubu onyeisi ngalaba na-elekọta ụgwọ ezumikenka gbụụrụ daa n'ime ụlọikpe n'ụbọchị Tọzde.
A na-ekpe ya ikpe ruru agba iri na abụọ n'ihe gbasara mpụ, nrụrụaka nakwa mbupu ego.
Maina gbaburu ọsọ mana e mechara anwụchie ya na mba Nijie.
Dịka nke a mere, anyị lebara anya ndị ọzọ bu ọrịa maọbụ dara ọrịa n'ike dịka a malitere inyocha maka ebubo gụnyere nrụrụaka..
Ndị ji akwa bịa n'ụlọikpe:
Dino Melaye
Ebe foto si, Sumner_sambo
Ụlọikpe abụrụla ebe ngosi etu ndị ndọrọrndọọ ọchịchị ga-esi kwado bịa maka ikpe ha nakwa ụdị akwa ọrịa ha ga-eji bịa.
Ọ bụrụla ihe ngosi na ụfọdụ ndị ndọrọndọọ ọchịchị a na-ekpe ikpe na Naịjirịa maka mpụ maọbụ mmerụaka na-eji ute ọrịa aga n'ụlọikpe.
Onye na-anọchite anya ndị Kogi west na sineti bụ sinetọ Dino Melaye bụ onye e bu n'ụgbọala e ji ebu ozu na ndị ọịa gaa Kogi steeti ebe ndị uweojii chọọ ikpọga ya ụlọikpe.
Melaye ji akwa ọrịa gaa ụlọikpe ụbọchị Wenezde ebe ọ gara ịnata mgbapụta.
Olisa Metuh
Metuh bụbụ onyeisi ngalaba mgbasaozi nke otu pati PDP jiri akwa ọrịa gaa ụlọikpe n'aAbuja n'ọnwa Feburuwarị afọ a bụ 2018.
A na-ekpe Metuh maka mpụ na mmerụaka ego ruru nde naịra 400.
Ụbọchị o kwesiri igosi onwe ya n'ụlọikpe, e ji ụgbọala e ji ebu ndị ọrịa bute ya n'ụlọikpe ebe ọ nọ n'akwa ọrịa.
E buru ya na akwa ọrịa ya bubata nime ụlọikpe ebe ọ nọ ka onye na-adịghị ndụ.
Tayor wepụtara foto Metuh oge ebu ya banye n'ụlọikpe nime akwa ọrịa.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 1
Diezani Allison-Maduekwe
Nwaanyị bụbụ mịnịsịta na-ahụ maka mmanụ agbidi, e boro ya ebobo mpụ na mmerụaka.
O jighi akwa gaa ụlọikpe mana ozigbo ikpe ya bidoro, akụkọ akụkọ pụtara na ọ na-arịa kansa.
Teliat Kunle dere n'akara twitter ya n'eziokwu mpụ bụ ọrịa.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 2
Femi Fani-Kayode
A na-ekpebu Kayode onye bụbụ mịnịsịta na-ahụ maka njem ụgbọelu ikpe gbasara mpụ na ohi ego ruru ijeri dọla anọ n'ụma.
Oge a na-eme ikpe Kayode, ọ gwara ndị ụlọikpe na ya nwere ọrịa mkpụrụ obi.
Ebe foto si, Femi Fani-Kayode/ Facebook
Nenadi Usman
Nwaanyị a bụbu mịnịsịta okwu ego dị n'aka.
E boro ya ebubo mpụ, aghụghọ na ohi na mkpamkpa ya na Kayode na Danjuma Muhammed.
Oge e bidoro ikpe ya, ọ gwara ndị ụlọikpe ka ha nye ya ohere ịga ụlọọgwụ na mba ofesi maka na ya nwere kansa.
Ndị ụlọikpe nyere ya ohere ahụ ka ọ gaa mba Amerịka maka ọụ̀wụgwọ ya n'afọ 2017.
Akụkọ ga-amasị gị:
