Ụtụ anwụrụ na mmanya na-aba n'anya etinyela ego

Aṅụrụ — Nkọwa foto, Naanị ndị rugoro afọ iri na asatọ kwesiri ịse aṅụrụ na Naịjirịa

12 Maachị 2018

Gọọmenti Naịjirịa amala ọkwa na ha ga-etinye ego n'ụtụego anwụrụ na mmanya ike.

Mịnịsịta na-ahụ maka ego bụ Kemi Adeosun kwuru na nke a bụ iji nwetakwuo ego nye gọọmenti ma belata nsogbu ahụike ihe ndị ha na-akpata.

Ntinye ego a pụtara na otu osisi aṅụrụ maọbụ otu sentilita mmanya ọkụ etinyela ego rue pasentị isii ụtụ.

Ego a ga-emetụta mmanya biya na stawụtụ, wayịnị na mmanya ọkụ mana enyela ndị ahịa na ndị na-ere ere ohere rue mkpụrụ ụbọchị iri itoolu tupu ụtụ a ebido.

Gọọmenti ekwuola na ọ ga-ebido ụtụ nwayọ nwayọ bido n'afọ 2018 rue afọ 2020.

Ndị ihe metụtara ekwubeghi ihe ọbụla banyere ọkwa a mana akụkọ na-ekwu na ihe ruru mmadụ nde na Naịjirịa anaghị anọli ma ha aṅụghị mmanya ike maọbụ anwụrụ.

Ebe ọ bụ na Naịjirịa na-enwe nsogbu na akụnaụba ya, gọomenti na-ele anya isi n'ụtụ a nweta ọtụtụ ego na dola bido n'ọnwa Juunu afọ a.