Tinubu: Oyegun na-egbochi ọrụ ịkpa ụdọ Buhari nyere m

Buhari ebe ọ na ezute Tinubu n'Abuja

Ebe foto si, @apcnigeria

Nkọwa foto, Tinubu ji ọrụ ị chịkọta otu patị APC tupu ebido ntuliaka nke afọ 2019

Tinubu bụ onye chịbụrụ Lagos n'oge gara aga kwuru na onyeisi pati APC bụ Oyegun na-emebi ọrụ onyeisiala Buhari keere ya ị chịkọta otu ha maka ịkwado ntuliaka afọ 2019.

Ọ sị na mmụọ ya mere nkụda ebe Oyegun nọ maka na n'agbanyehị nzụkọ ha nwere maka ị dozi ime otu ha, Oyegun gara niru na-atụ ya aka n'anya.

O kwuru ihe ndị a n'ime akwụkwọ ozi nke o degara ya bụ Oyegun ma gosi kwa Onyeisiala Buhari, osote ya Yemi Osinbajo, Onyeisi ụlọọrụ Sineti Bukola Saraki na Onyeisi ụlọọrụ omeiwu ukwu Yakubu Dogara.

Ọtụtụ ndi mmadụ na-ekwu na ọrụ ekenyere Tinubu siri ike ebe ndị ọzọ na-ekwu na ọbụ ịhe nkwụghachi Buhari nyere Tinubu.

Akara ntụ-ntụ

Akụkọ ndị ga-amasị gị:

Akara ntụ-ntụ