Enugu state: Nwoke egbuola ibe ya maka otu nzuzo
Ndị jidere nwoke gburu ibe ya
Ebe foto si, Nigerian Police
Ndi uweojii n'Enugwu steeti anwuchiela Izuchukwu Ifeacho bụ onye a na-enyo na o gburu otu nwoke aha ya bụ Iruchukwu Nnebe.
Akụkọ kwuru na Ifeacho ji mma sụgbuo Nnebe makana ọ chọrọ ịmanye ya ka ọ banye otu nzuzo ha.
Iruchukwu bụ onye nọ na ọbaozu dị n'Oji River ugbua gbara afọ iri abụọ na ise.
Ha abụọ bụ ndị Amankpunato, okpuruọchịchị Oji River Government.
Ndị uweojii wetere nma eji gbuo ya bụ nwaamadị.
Ebere Amarizu bụ ọnụ na-ekwuchitere ndị uweojii n'Enugwu steeti, kwuru na ha na-etinye anya ka ha mata nke bụ eziokwu na ya bụ okwu.
Orji Uzo Kalu na-akwado Femi Gbajabiamila
Ebe foto si, Femi Gbajabiamila/Twitter
Akụkọ na-akọwa na Orji Uzo Kalu bụ aka chịburu Abia steeti, na-akwado Femi Gbajabiamila dịka onyeisi ụlọomeiwu nta.
Arewa Youth Awareness Forum ekwuola na ya bụ nwaamadị amasighị ha dịka onyeisi n'ọgbako nke itoolu.
N'akwụkwọ ha depụtara nke Mohammed Kabir na ndị ọzọ tinyere aka, ha sị na ya bụ nwaamadị etozughi ịchị ya bụ ụlọomeiwu nta.
Trump awụchiela UK
Ebe foto si, Getty Images
N'ofesi, Onyeisiala Donald Trump nke mba Amerịka awụchiela mba UK n'ụtụtụ Mọnde ime njem nleta na mba ahụ.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Ọtụtụ ndị iwe dị n'obi na-akwado ngagharịiwe dị icheiche ebe ahụ maka ọbịbịa ya.
Lekwa ọtụtụ ebe Trump gara kemgbe ọ bụrụla onyeisiala Amerịka:
Jurgen Klopp a ga-achịrị Liverpool gawa?
Ebe foto si, Getty Images
Igbo si na ụra tọwa ụtọ e kwowe ya ekwo. N'ihi ya, ndị isi otu egwu bọọlụ Liverpool na-akwado itinye aka n'akwụkwọ Jurgen Klopp ka ọ chịrị ha gawa.
Nke a na-eme ka ha buchaara Iko Champions League n'izu gara aga.
