AC Milan ta dauki aron Diogo Dalot daga Manchester United

AC Milan ta dauki aron dan kwallon tawagar Portugal, Diogo Dalot mai tsaron baya a Manchester United.

United ta sayi dan kwallon kan fam miliyan 19 a Yunin 2018 daga Porto, inda dan wasa mai shekara 21 ya saka hannu kan yarjejeniyar shekara biyar da Old Trafford.

Wasa daya Dalot ya buga wa United a bana shi ne a Caraboa Cup da suka doke Brighton.

Alex Telles: Manchester United na daf da daukar dan wasan Porto

Kwallon da dan wasan ya buga ne aka samu fenatin da Marcus Rashford ya buga ya ci da aka fitar da Paris St-Germain daga Champions League a Maris din 2019.

Lokacin da United ta dauki dan kwallon, Jose Mourinho ya kwatanta matashin dan wasan a matakin babu kamarsa a nahiyar Turai cikin tsaransa.

Ya buga wasa 23 a kakar farko da ya fara yi wa United kwallo, a kaka ta gaba kuwa da kungiyar ta dauko Aaron Wan-Bissaka, karawa 11 ya yi mata.