Vertonghen da Pedro sun kara gaba
Asalin hoton, Getty Images
Dan kwallon Tottenham, Jan Vertonghen zai bar kungiyar bayan shafe shekaru takwas tare da kulob din.
Vertonghen dan shekaru 33, ya buga wasanni 315 a Tottenham amma bai samu dama ba sosai a karkashin sabon kocinsu Jose Mourinho.
Dan kasar Belgium din a yanzu yana neman kulob bayan da a bara ya taimakawa Spurs ta kai wasan karshe na gasar zakarun Turai da kuma gasar League ta Ingila.
Dan kwallon Spaniya, Pedro ya buga wa Chelsea wasa na karshe a ranar Lahadi kamar yadda kocinsa Frank Lampard ya tabbatar.
Pedro mai shekaru 33, ya koma Chelsea ne daga Barcelona a kan fan miliyan 21 a shekara ta 2014, sannan ya taimakawa Chelsea ta lashe gasar Premier a shekarar 2017 da kuma gasar kofin FA da kuma Europa.
Rahotanni sun nuna cewa zai taka leda a AS Roma.
