A cikin hotuna: Yadda aka yi bikin kirsimeti a duniya

Karanta rubutu kawai domin rage cin data

A Australiya da Amurka, an gudanar da addu'o'i a daya daga cikin ranaku mafi muhimmanci ga mabiya addinin kirista.

Ga wasu daga cikin kyawawan hotunan da aka dauko daga sassa daban-daban na duniya.

Colombo, Sri Lanka

Yara mabiya darikar Katolika sanye da tufafi da fuka-fukai a matsayin mala'iku

Asalin hoton, EPA

Yara mabiya darikar Katolika sanye da tufafi da fuka-fukai mai nuna alamar kwaikwayar mala'iku, a Majami'ar St Anthony.

Tana daya daga cikin majami'u uku da 'yan kunar bakin wake suka kai wa hari a daren bikin Ista, inda mutum 54 suka mutu nan take, sama da 300 kuma suka mutu a sauran sassan kasar.

Abu Dhabi, Kasar Hadaddiyar Daular Larabawa

Matashiya na kunna kyandir a majami'ar St. Joseph"s Cathedral Catholic, da ke birnin Abu Dhabi na hadaddiyar daular larabawa a ranar 24 ga watan Disamba 2019

Asalin hoton, EPA

Matashiya na kunna kyandir a Majami'ar St. Joseph"s Cathedral Catholic, da ke birnin Abu Dhabi na kasar Hadaddiyar Daular Larabawa, inda kasar ke da mabiya addinin Kirista da suka kai kashi 5 cikin 100.

Hanoi, Vietnam

Wannan matar na daukar hoton dauki da kan ka a wajen majami'ar cathedral a birnin Hanoi a ranar 24 ga watan Disamba 2019

Asalin hoton, AFP

Wannan matar na daukar hoton dauki da kanka a wajen Majami'ar Cathedral a birnin Hanoi na kasar Vietnam a ranar 24 ga watan Disamba 2019

Paris, Faransa

Skip Wanda aka fi karantawa and continue reading
Wanda aka fi karantawa

End of Wanda aka fi karantawa

Da tsakar dare an gudanar da addu'o'i a majami'ar Saint Germain l'Auxerrois da ke birnin Paris na Faransa daren 25 ga watan Diamba 2019

Asalin hoton, EPA

Bishop Philippe Marsset shi ne ya jagoranci addu'ar tsakar dare a Majami'ar Saint Germain l'Auxerrois.

A karon farko cikin sama da shekaru 200, an yi addu'o'in kirsimeti ba a cikin majami'ar Notre-Dame cathedral ba wadda ibtila'in gobara ya fada mata a watan Afirilu.

Nairobi, Kenya

A daren kirsimeti, mabiya sun taru a majami'ar Fort Jesus da ke birnin Nairobi na kasar Kenya.

Asalin hoton, Reuters

Bayanan hoto, A daren kirsimeti, mabiya sun taru a Majami'ar Fort Jesus da ke birnin Nairobi na kasar Kenya.

A daren kirsimeti, mabiya sun taru a Majami'ar Fort Jesus da ke birnin Nairobi na kasar Kenya, ranar 25 ga watan Disamba 2019.

Bethlehem, a yankin Falasdinu

Wannan babban limamin majami'ar Nativity ne a Bethlehem ya ke jagorantar addu'a a daren kirsimeti a yamma da kogin Jordan a ranar 25 ga watan Disamba 2019

Asalin hoton, EPA

An gudanar da addu'o'i a daren kirsimeti a Yammacin Kogin Jordan, garin da littafin Injila ya ce a can aka haifi Annabi Isa AS.

Birnin Vatican

Fafaroma Francis ne ya jagoranci addu'o'in a majami'ar St Peter's Basilica

Asalin hoton, AFP

Wannan shi ne karo na bakwai da Fafaroma Francis ke jagorantar addu'o'in kirsimeti.

A sakonsa na wannan rana Fafaroma ya ce ''Ubangiji yana kaunar kowa ciki har da mafiya aikata munanan zunubai,'' sakon dai mabiya addinin Kirista na kallonsa a matsayin shagube ga dambarwar da ta mamaye Fadar Vatican.

Sydney, Australiya

Zanen shugaba Scott Morrison sanye da rigar da ba a rufe maballinta ba, mai adon furanni

Asalin hoton, EPA

Bayanan hoto, Zanen Shugaba Scott Morrison sanye da rigar da ba a rufe maballinta ba, mai adon furanni

Sa'o'i gabannin bikin kirsimeti, aka yi zanen suka ga Firai Minista Scott Morrison sanye da riga mai budadden gaba da furanni, a daidai lokacin da kasar ta yi fama da wutar daji mafi muni a tarihi.

Dukkan hotuna suna da hakkin mallaka