Yadda ake shigar da wiwi daga Benin da Ghana zuwa Najeriya

Karanta rubutu kawai domin rage cin data
Ma su safararta sun mayar da Naijeriya zango da ke da mashayn tabar wiwi da yawa
Bayanan hoto, An boye ganyen wiwi a cikin kwalaye da buhu-buhu wanda aka shigo da ita Naijeriya ta jamhuriyar Benin
    • Marubuci, Umar Shehu Elleman
    • Sanya sunan wanda ya rubuta labari, BBC Hausa, Lagos

Hukumar yaki da fasa kwauri a Najeriya, ta kama tabar wiwi ta kimanin naira miliyan dari daya da sittin (N160, 000.000), a dab da a bakin iyakar Naijeriya da jamhuriyar Benin.

Wannan dai shi ne kame mafi girma kuma na farko da rundunar ta yi, tun bayan da gwamnatin Najeriya ta kulle bakin iyakokin kasar da makwabtan kasashe.

Kontirola Zhilkiflu Abdullahi wanda ke kula da rundunar a jihohin Oyo da Osun ya ce ``an kama tabar wiwi bayan an shigo da ita daga Ghana zuwa Jamhuriyar Benin har ta shigo Najeriya``.

Kontirola Zhulkiflu ya kuma ce ``abar wiwi da ke kunshe cikin sinki-sinki da kuma a cikin buhu-buhu, an yi badda sawu kamar dai an dauko dusar katako ce."

To amma bayan bincike sai rundunar ta gano tabar wiwi ce da aka yi safararta zuwa Najeriya; kamar dai yadda ma su safararta ke cewa akwai mashayanta da yawa a Naijeriya.

Wannan ne dalilinsu na mayar da kasar zangon mashayan tabar wiwi.

Naijeriya ta rufe iyakokinta kamar kimanin kwanaki arba'in ke nan wanda tace ta yi haka don inganta tsaro a bakin iyakokin ta.
Bayanan hoto, 'Yan fasa kwauri na anfani da barauniyar hanya domin shigo da haramtattun kayayyaki, da su ka hada kwaya da makamai

Gwamnatin Naijeriya, ta toshe bakin iyakokinta da sauran kasashe ta tudu, da manufar hana harkokin shige da fice na kayayyaki .

Darajar kudin tabar wiwi da aka kama a baya-bayan nan ta kai kimanin naira miliyan 160 da rundunar ta yi a wadannan jihohi.

Skip Wanda aka fi karantawa and continue reading
Wanda aka fi karantawa

End of Wanda aka fi karantawa

Jami'an rundunar ce dai su ka kama ganyen wiwin a cikin dajin Elekokan /Ofegun cikin karamar hukumar Iwajowa da ke da kudancin kasar da jamhuriyar Benin.

Tun bayan kulle bakin iyakokin Najeriya 'yan kasuwa ke ta korafi cewa wannan mataki ya haifar musu da tawayar harkokin kasuwanci.

To sai dai Controller Zhulkiflu ya ce masu kukan rufe iyakar sun kasance wadanda ke amfani da iyakokin kasar, ba tare da an san abin da suka shiga ko fita da shi ba.