El Clasico: Real Madrid da Barcelona a La Liga

Real Madrid za ta karbi bakuncin Barcelona a wasan mako na 32 a La Liga a Santiago Bernabeu ranar Lahadi.

Kungiyar da Carlo Ancelotti ke jan ragama tana ta daya a teburin La Liga da maki 78 da tazarar maki takwas tsakani da Barcelona ta biyu.

Girona ce ta uku mai maki 65 da kuma Atletico Madrid mai maki 61 a mataki na hudu a teburin babbar gasar tamaula ta Spaniya.

Wannan shi ne wasa na uku da za su kara a bana, inda Real Madrid ta je ta ci Barcelona a La Liga 2-1 ranar 28 ga watan Oktoban 2023.

Haka kuma Real Madrid ta doke Barcelona 4-1 a Spanish Super Cup ranar 14 ga watan Janairun 2014.

Wasannin da aka buga tsakanin Real Madrid da Barcelona 2023/2024:

Spanish Super Cup Lahadi 14 ga watan Janairun 2024

Spanish La Liga Asabar 28 ga watan Oktoban 2023

Barcelona ta ci karo da koma baya a Champions League a bana, bayan da Paris St Germain ta fitar da ita a zagayen daf da na kusa da na karshe.

PSG ta kai daf da karshe, bayan da aka doke ta 3-2 a Faransa, ita kuma ta ci 4-1 a Spaniya a wasa na biyu, kenan ta ci kwallo 6-5 gida da waje.

Barcelona ce ke rike da La Liga da ta dauka a bara, wadda rabon da ta lashe Champions League tun 2014/15 mai biyar jimilla.

Ita kuwa Real Madrid ta kai zagayen daf da karshe a gasar zakarun Turai, bayan da ta fitar da Manchester City a bugun fenariti, sakamakon da suka tashi 1-1 har da karin lokaci a Etihad.

Tun farko sun tashi 3-3 a Spaniya, kenan Real Madrid ta rama abinda City ta yi mata a bara da ta cire ta a Champions League.

'Yan wasan Real Madrid da za su kara da Barcelona:

Masu tsaron raga: Lunin, Kepa da kuma Mario de Luis.

Masu tsaron baya: Carvajal, Militão, Nacho, Lucas Vázquez, Fran García, Rüdiger and Mendy.

Masu buga tsakiya: Bellingham, Kroos, Modrić, Camavinga, Valverde, Tchouameni, Ceballos da kuma Arda Güler.

Masu cin kwallaye: Vini Jr., Rodrygo, Joselu da kuma Brahim.

Wadanda ke kan gaba a cin kwallaye a La Liga:

Wasannin mako na 32 a La Liga ranar Lahadi 21 ga watan Afirilu: