ભારતમાં બનેલા 'પ્રચંડ' હેલિકૉપ્ટરની ખાસિયત શું છે?

ભારતીય વાયુસેનામાં હવે એક નવાં પ્રકારનાં લડાકુ હેલિકૉપ્ટરને સામેલ કરાશે. આ હેલિકૉપ્ટર ભારતમાં બનેલાં છે.

આ હેલિકૉપ્ટરને રાજસ્થાનના જોધપુરમાં રક્ષામંત્રી રાજનાથસિંહની ઉપસ્થિતિમાં ઔપચારિક રીતે ભારતીય વાયુસેનામાં સામેલ કરાશે.

રક્ષામંત્રી રાજનાથસિંહે ટ્વીટ કર્યું કે "સ્વદેશમાં નિર્મિત પહેલું હેલિકૉપ્ટર (એલસીએચ) વાયુસેનામાં સામેલ કરાશે. તેના માટે 3 ઑક્ટોબરે રાજસ્થાનના જોધપુરાં થનાર કાર્યક્રમમાં હાજર રહેવાનો છું. આ હેલિકૉપ્ટરથી ભારતીય વાયુસેનાની યુદ્ધક્ષમતામાં વધારો થશે."

જોધપુરમાં થનાર આ કાર્યક્રમમાં ઍરચીફ માર્શલ વીઆર ચૌધરી પણ ઉપસ્થિત રહ્યા હતા.

આ હેલિકૉપ્ટર રડારને પણ થાપ આપવામાં સક્ષમ માનવામાં આવે છે. આ હેલિકૉપ્ટરનું નામ 'પ્રચંડ' રાખવામાં આવ્યું છે.

ભારતીય વાયુસેનાએ પોતાના ટ્વિટર હેન્ડલ પર #AtmaNirbharBharat હૅશટૅગ સાથે આ લડાકુ હેલિકૉપ્ટરની ઝલક દર્શાવતો એક વીડિયો પણ શેર કર્યો છે.

આ વર્ષે માર્ચમાં વડા પ્રધાન નરેન્દ્ર મોદીની અધ્યક્ષતામાં કૅબિનેટ કમિટી ઑન સિક્યૉરિટીની બેઠક મળી હતી.

બેઠકમાં સ્વદેશમાં નિર્મિત 15 હલકા (ઓછાં વજનનાં) હેલિકૉપ્ટરને ખરીદવાની મંજૂરી અપાઈ હતી. તેના માટે 3,887 કરોડ રૂપિયા મંજૂર કરવામાં આવ્યા હતા.

લડાકુ હેલિકૉપ્ટરની વિશેષતા શું છે?

ઇન્ડિયન એક્સપ્રેસના અહેવાલ અનુસાર એચએએલે જણાવ્યું છે કે 160 એલસીએચ હેલિકૉપ્ટર્સની જરૂર છે જેમાં 65 વાયુસેના માટે અને 96 સેના માટે.

કૅબિનેટની બેઠકમાં માર્ચમાં એલએસપી શ્રેણીમાં 15 હેલિકૉપ્ટરનો કૉન્ટ્રેક્ટ મળ્યા પછી કેટલાક હેલિકૉપ્ટર્સની ડિલિવરી કરવામાં આવી છે અને બાકી સ્વીકૃતિના અલગઅલગ તબક્કે છે.

એચએએલે કહ્યું છે કે કંપનીએ એક વિસ્તૃત માસ્ટરપ્લાન બનાવ્યો છે.

જેમાં પ્રતિવર્ષ 30 હેલિકૉપ્ટરના ઉત્પાદનની ક્ષમતા હાંસલ કરવાનું લક્ષ્ય છે જેથી આ શ્રેણીના ઉત્પાદન માટેના ઑર્ડર પ્રમાણે આઠ વર્ષમાં 145 એલસીએચનું ઉત્પાદન કરી શકીએ.

તમે બીબીસી ગુજરાતીને સોશિયલ મીડિયા પર અહીં ફૉલો કરી શકો છો

Facebook પર સમાચાર વાંચવા અહીં ક્લિક કરો.

Instagram પર બીબીસી ગુજરાતીને અહીં ફૉલો કરો.

YouTube પર બીબીસી ગુજરાતીના વીડિયો જોવા માટે અહીં ક્લિક કરો.

Twitter પર બીબીસી ગુજરાતીની ફૉલો કરવા અહીં ક્લિક કરો.