IKIBIRIRAHO, Israel yagabye ibitero bishya kuri Iran mu gihe Amerika yatangaje ko abasirikare bayo ba mbere bishwe

Amakuru y'ikibiriraho

Chancard Abimana, Didier Bikorimana na Dinah Gahamanyi

1. Iminota 22 irahezeReba: Umuhango wo gushyingura abanyeshuri n'abakozi muri Iran

   Muri Iran habaye umuhango wo gushyingura abanyeshuri n'abakozi bishwe mu gitero abategetsi ba Iran bavuga ko cyagabwe ku bufatanye bwa Amerika na Israel ku ishuri riri mu majyepfo ya Iran.

   Abategetsi ba Irani bavuze ko abantu barenga 160 bishwe ku wa gatandatu ubwo Amerika na Israel byagabaga ibitero byinshi ku birindiro bya gisirikare bya Irani n’ubuyobozi bwabyo, bimwe bikibasira ishuri ry’abakobwa ryari mu mujyi wa Minab.

   BBC News ntiyashoboye kwemeza ubwayo umubare w'abapfuye watangajwe n'abategetsi ba Iran.

   Ishuri ryari riri hafi y'ikigo cy'umutwe w'ingabo wihariye wo mu ngabo za Irani witwa IRGC.

   Igisirikare cy'Amerika cyavuze ko kirimo gusuzuma amakuru y’ibyabaye, mu gihe igisirikare cya Israel cyo cyavuze ko kitazi ibikorwa ibyo ari byo byose biri muri ako gace.

2. Iminota 59 irahezeIsrael yagabye ibitero bishya kuri Iran mu gihe Amerika yatangaje abasirikare bayo ba mbere bishwe

   

   Ahavuye isanamu, Reuters

   Israel ivuga ko irimo kugaba ibitero bishya muri Iran, nyuma y'uko icyo gihugu gitangaje ko cyagabye ibitero ku "kigo cy'ubuyobozi" cya Iran ku wa kabiri.

   Ibi biraba mu gihe Amerika itangaza ko abasirikare bayo bane biciwe muri Kuwait mu gitero cya 'drone' ku cyumweru, umunsi umwe nyuma yuko Israel na Amerika bagabye ibitero kuri Iran.

   Amerika yatangaje ko abasirikare bayo bane bishwe ari Capt Cody Khork, Sgt 1st Class Noah Tietjens, Sgt 1st Class Nicole Amor, na Sgt Declan Coady.

   Hagati aho, Israel na Hezbollah byakomeje guhangana muri Liban aho barasanaho ibisasu bya misile, mu gihe uyu mutwe w’intagondwa ushyigikiwe na Iran wihorera ku iyicwa ry’umutegetsi w’ikirenga wa Irani Ayatollah Ali Khamenei.

   Hezbollah ivuga ko yibasiye ikigo cya gisirikare cya Haifa mu majyaruguru ya Israel.

   Igisirikare cya Israel cyavuze nyuma ho gato ko hari ibisasu byinshi byabonetse, kandi ko byinshi byarashwe.

   Izindi nkuru wasoma:

   Nyuma y'urupfu rwa Ayatollah Ali Khamenei, ni nde urimo kuyobora Iran?

   Ayatollah Khamenei: Uko igitero cyo kumwica cyateguwe na Israel na Amerika kikaba mu gitondo aho kuba nijoro

   Ayatollah Khamenei: Uko uwari umutegetsi w'ikirenga wa Irani yari yarashoboye kugundira ubutegetsi

   Iran ivuga ko ibitero bya Amerika na Isirayeli ku ishuri byishe abantu 108 biganjemo abana

   Ayatollah Khamenei: Kugundira ubutegetsi kwe muri Irani kwageze ku musozo

   Afurika Yunze Ubumwe iratanga impuruza ku ntambara hagati ya Amerika, Israel na Iran

3. Haciye isaha 1Israel ivuga ko yafashe misile zatewe zivuye muri Irani

   

   Ahavuye isanamu, EPA

   Igisirikare cya Israel kivuga ko Irani irimo kwihorera ku bitero bishya Israel yayigabyeho.

   Mu masaha macye ashize, Israel yavugije impuruza, iburira ku bisasu bya misile byatewe biva muri Irani.

   Ibyuma bisakuza byavuze ndetse Abanya-Israel bakira ubutumwa bwo kubaburira bwo kuri telefone zigendanwa bubategeka kujya kureba aho bikinga no kuhaguma kugeza bahawe andi mabwiriza.

   Israel ivuga ko yanagenzuye ibiturika byaterewe muri Libani, aho ibitero bya Israel byarashe ku mutwe wa Hezbollah.

   Ibisasu bya misile hamwe n’ibiturika byafashwe ndetse nta makuru yahise amenyekana y’abapfuye n’abakomeretse, nkuko Israel ibivuga.

   Izindi nkuru wasoma:

   Kubera iki Amerika na Israel ari akadasohoka?

   Israel yagabye ibitero byo mu kirere muri Gaza ishinja Hamas 'ihonyora rishize amanga ry'agahenge'

   Gaza: Bagowe no kumenya imirambo bakiriye kubera kubura ibikoresho byabugenewe

4. Haciye isaha 1Ibiro vya CIA muri Arabie Saoudite vyatewe na 'drone' bikekwa ko ari iya Iran

   

   Ahavuye isanamu, Getty Images

   Ibiro vy'ikigo c'igendereza c'Amerika (CIA) muri Arabie Saoudite ku musi wa mbere vyatewe n'indege itajamo umudereva (drone) bikekwa ko ari iya Irani, nk'uko itororokanirizo ry'amakuru Reuters ribivuga, risubiramo ivyo ryabwiwe n'umuntu ubizi.

   Uwo muntu yabwiye Reuters ko ata kimenyetso cerekana ko ivyo biro ari vyo vyari bigenderewe.

   CIA yanze kugira ico ibitangazako.

   Ubuserukizi (ambasade) bwa Amerika, buri mu murwa mukuru Riyadh wa Arabie Saoudite, ni bumwe mu bigo vya Amerika bimaze kuraswaho muri iyi ntambara y'Amerika-Israel na Irani.

   Ubushikiranganji bwo kwivuna abansi bwa Arabie Saoudite bwatangaje ko iyo ambasade yarashweho na 'drone' zibiri, biteza umuriro muke n'ibikoresho bimwe birononekara.

   Mu nyuma, ambasade ya Amerika muri Arabie Saoudite yahavuye iburira Abanyamerika kwirinda kuja kuri iyo ambasade kugeza hatanzwe ayandi mabwiriza "kubera igitero" kuri iyo ambasade.

   Ku wa kabiri, iyo ambasade yahagaritse ibikorwa bisanzwe n'ivyihutirwa ku Banyamerika bari bafise gahunda yo kujayo.

   Ayandi makuru:

   Nyuma y'urupfu rwa Ayatollah Ali Khamenei, ni nde urimo kuyobora Iran?

   Ayatollah Khamenei: Uko uwari umutegetsi w'ikirenga wa Irani yari yarashoboye kugundira ubutegetsi

   Ayatollah Khamenei: Uko igitero cyo kumwica cyateguwe na Israel na Amerika kikaba mu gitondo aho kuba nijoro

5. Haciye isaha 1Mwaramutse neza!

   Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw'aka kanya.