IKIBIRIRAHO, Burundi: Bunyoni yahoze ari umushikiranganji wa mbere yarekuwe inyuma y'imyaka hafi itatu mu munyororo

Amakuru y'ikibiriraho

Chançard Abimana, Didier Bikorimana, Gisèle Berwa na Samba Cyuzuzo

1. Haciye isaha 1Burundi: Bunyoni yarekuwe inyuma y'imyaka hafi itatu mu munyororo

   Alain Guillaume Bunyoni yahoze ari umushikiranganji wa mbere w'Uburundi yarekuwe inyuma y'imyaka hafi itatu mu munyororoku murwa mukuru i Gitega.

   Umwe mu bantu ba hafi cane mu muryango wa Bunyoni yemereye BBC ko yarekuwe.

   Umwe mu bakuriye igendereza mu Burundi nawe yemereye BBC Gahuzamiryango ko Bunyoni hamwe n'abandi bantu 10 barekuwe ku mvo z'uburwayi.

   Bunyoni yapfunzwe yagirizwa ibyaha birimwo:

   • guhungabanya umutekano w'igihugu;
   • guhungabanya ubutunzi bw'igihugu;

   • gukoresha amangetengete agomba kugandagura umukuru w'igihugu
   • kuronka amatungo aciye mu nzira zitagororotse nk’ibiturire
   • gutunga ibigwanisho adafitiye uruhusha

   Ibyaha wewe yagumye ahakana.

   Mu 2023 sentare mu Burundi yamuciriye umunyororo wo guherayo.

   Bunyoni arekuwe inyuma y'amazi havugwa yuko amagara yiwe yifashe nabi.

   Izindi nkuru wasoma:

   Alain Guillaume Bunyoni yongeye gusabirwa gupfungwa burundu we asaba kwezwa

   Urubanza rwa Bunyoni: Icaha co kugerageza kwica umukuru w’igihugu n'ubu caburanishijwe mu mwiherero

   'Ubutungane ntibuhereye aha'-Gen Bunyoni ahejeje gucirirwa uwo guherayo

2. Haciye isaha 1Trump yavuze ko umugwi w'umupira w'amaguru wa Irani 'uhawe ikaze' mu gikombe c'isi - umukuru wa Fifa

   Donald Trump yavuze ko igihugu ca Iran “gihawe ikaze ” kuza gukina mu Gikombe c’Isi kizobera muri Amerika ya Ruguru, naho hariho intambara iri mu Buseruko bwo Hagati, nk'uko bivugwa n'umukuru w'ishirahamwe ry'umupira w'amaguru kw'isi FIFA, Gianni Infantino.

   Mu butumwa yacishije ku rubuga rwiwe rwa Instagram, uwo mutegetsi wa FIFA yavuze ko yabonanye na prezida wa Amerika kugira baganire ku myiteguro y'iryo higanwa mu mpera z'uyu mwaka, umugwi wa Irani ukaba umaze kuronka itike yo kuryitabira.

   Infantino avuga ati: "Muri ivyo biganiro, Prezida Trump yasubiyemwo ko umugwi wa Irani uhawe ikaze muri iryo higanwa muri Amerika."

   Kwitabira kwa Iran kwari kwatanguye gutera amakenga kuva aho intambara itanguriye.

   Izindi nkuru wosoma:

   Ni ibihe bihugu bishyigikiye Iran mu ntambara irwana na Israel ifatanyije na Amerika?

   Libani irifuza kuganira na Israel kugira ngo intambara ya Hezbollah ihagarare

   Ni nde Mojtaba Khamenei, umugabo wagizwe Umutegetsi mushya w'Ikirenga wa Iran?

3. Haciye amasaha 2Ubufaransa bwifatanyije n’umuryango w’Umufaransakazi wiciwe mu gitero cya 'drone' i Goma - Macron

   Perezida Emmanuel Macron w’Ubufaransa yatagnaje ko Ubufaransa bwifatanyije n’umuryango, abari hafi ye, n’abakorana n’Umufaransakanzi wakoreraga UNICEF wiciwe i Goma.

   Umutwe wa AFC/M23 watangaje ko abantu batatu barimo Carine Buisset bishwe n’igitero cya ‘drone’ mu gitondo kare kuri uyu wa gatatu. Abandi babiri ‘bapfuye’ ntibatangajwe.

   UNICEF ntacyo iravuga ku iyicwa rw'uwo mukozi wayo.

   Mu butumwa bwe, Macron yavuze ko asaba “kubaha uburenganzira bw’abantu” bari muri kariya gace no guhagurukira “gutabara ubuzima”.

   Macron ari mu bategetsi ba mbere bagerageje ubuhuza mu 2022 nyuma y’amezi iyi ntambara mu burasirazuba bwa DR Congo yongeye gutangira.

   AFC/M23 yatangaje ko igitero cyagabwe i Goma uyu munsi ari “ikindi kimenyetso cyo kurenga ku masezerano y’agahenge” ku ruhande rwa leta.

   BBC yasabye igisirikare cya FARDC kuvuga ku gitero cy’uyu munsi i Goma.

4. Haciye amasaha 3Umutegetsi w’Ikirenga wa Iran "ameze neza"

   Umutegetsi w’Ikirenga mushasha wa Iran, Mojtaba Khamenei, "ameze neza" n’aho hari amakuru yavuga ko yakomeretse, nk’uko bivugwa n’umuhungu wa Prezida wa Irani Masoud Pezeshkian.

   Yousef Pezeshkian yanditse kuri Telegram ko yari "yumvise amakuru" avuga ko Khamenei yakomeretse.

   Avuga ati: "Nabajije abagenzi benshi baronse amakuru ajanye n’ibi, maze bambwira bati: ku bw’ineza y’Imana, ameze neza kandi nta kibazo gihari.”

   Mojtaba Khamenei ntaravuga ijambo na rimwe canke ngo aboneke na rimwe kumugaragaro kuva agizwe umukuru w’ikirenga wa Iran kuwa mungu mw'ijoro.

   Abategetsi ba Amerika na Israel bamiriye kure ishirwako ryiwe, kandi bikekwa ko ari mu bantu barimo guhigwa n'ibitero bya Amerika na Israel muri Iran.

   Izindi nkuru wasoma:

   Menya Mojtaba Khamenei warwanye intambara ya Iran na Iraq ari umusore, ubu wagizwe Umutegetsi w'Ikirenga wa Iran ngo asimbure se

   Abanya-Iran "ntibazagonda ijosi" – Ibitero byakubise hafi y'imyiyerekano y'abashyigikiye Mojtaba Khamenei

5. Haciye amasaha 3Ubwato bw’ubwikorezi buriko buratabarwa inyuma yo kuraswako mu muhora wa Hormuz

   Ubwato butwara imizigo buriko burakurwa mu muhora wa Hormuz inyuma yo kuraswa"igisasu kitazwi", nk'uko bivugwa n'ikigo c’ubwongereza kijejwe ibikorwa vyo mumazi (UKMTO).

   Igisirikare kirwanira mu mazi ca Thailand kivuga ko kiriko kiratabara vyihuta inyuma y'aho ubwato bw'imizigo bwo muri Thailande burashwe igihe bwari mu muhora wa Hormuz.

   Mw'itangazo ryasohowe n'igisirikare kirwanira mu mazi ca Thailand, kivuga ko muri ubwo bwato harimwo abantu 23.

   Igisirikare kirwanira mu mazi ca Oman kimaze kurokora abakozi 20, kandi kiriko kirarokora abanda batatu basigaye , nk'uko bivugwa n'abategetsi ba Thailand.

   Iryo tangazo rivuga ko ivyo vyabereye ku birometero hafi 20 mu buraruko bwa Oman, bimenyekana igihe c'isaha 12:35 ku masaha yo mu Burundi no Mu Rwanda. Ico gisasu catumye haba umuriro muri ubwo bwato.

   Ivyo bibaye inyuma y'aho ubundi bwato butwara ibidandazwa hafi y’umuhora wa Hormuz nabwo bwatewe n'igisasu kitaramenyekana ku birometero 46 uvuye ku nkengera za Emira Zunze Ubumwe z'Abarabu(UAE). Nk'uko bivugwa n'ikigo co mu Bwongereza kijejwe ubudandaji bwo mu mazi (UKMTO), umukuru w'ubwo bwato yavuze ko bwononekaye ariko ko abakozi bose bameze neza.

   Abajejwe amatohoza bariko baratohoza kuri izo mpanuka, bagasaba ubwato bwose buca muri ako karere kwiyubara.

   Amato ashika 13 amaze gukorwako ibitero agerageza kurengana mu muhora wa Hormuz.

   Kuva iyi ntambara itanguye, Iran yaburiye ko ata bwato bugomba kurengana mu muhora wa Hormuz, inzira icamwo 20% y'ibitoro bija ku isoko mpuzamakungu ry'ibitoro kw'isi.

   Izindi nkuru wosoma:

   Umuhora wa Hormuz: Byagenda bite Iran iramutse ifunze neza neza iyi nzira y'ibitoro bigera ku isi?

   Abanya-Iran "ntibazagonda ijosi" – Ibitero byakubise hafi y'imyiyerekano y'abashyigikiye Mojtaba Khamenei

   Ni nde Mojtaba Khamenei, umugabo wagizwe Umutegetsi mushya w'Ikirenga wa Iran?

   Ingaruka zishobora guterwa n'igabanuka ry'ibirwanisho ku ntambara yo muri Irani

6. Haciye amasaha 4Amasezerano n'Uburundi ku butare bwa nikel azokomeza urudandazwa rw'amabuye y'agaciro nkenerwa - Amerika

   Uburundi bwateye igikumu ku masezerano mashasha n'ikompanyi zo muri Amerika zihingura zikanadandaza ubutare kugira bateze imbere kimwe mu bibanza binini bifise ubutare bwinshi muri ico gihugu.

   Leta Zunze Ubumwe za Amerika zivuga iki gikorwa kizofasha gukomeza uruhererekane mu guhanahana amabuye y'agaciro akenewe cane rw'isi.

   Gusinya ayo masezerano vyabereye ku Biro vya Amerika bijejwe imigenderanire n'ayandi makungu i Washington kuwa kabiri.

   Soma iyi nkuru iramvuye hano: Ni ibiki biri mu masezerano kuri nikel y'Uburundi n'ikompanyi ya Amerika?

   Izindi nkuru wasoma:

   Nickel: Kuki ubwo butare butimbwa mu Burundi inyuma y'imyaka 50 buhatowe?

   'Ntitwovuga ko biratera imbere cane' – umukuru wa PARCEM avuga ku bijanye n'igisata c'ubutare

   Perezida Evariste Ndayishimiye yifatiye mu gahanga umukuru wa Parcem

   Burundi: Ingene menshi mu mafaranga ava mu butare adashika mu kigega c'igihugu

7. Haciye amasaha 5Steve Rosenberg: Uburusiya burashaka inyungu za dipolomasi n'ubukungu mu ntambara yo muri Irani

   Ubu bimaze kuba kabiri mu cyumweru.

   Ikiganiro cyo kuri telefone hagati ya Perezida w'Uburusiya na Perezida wa Irani.

   Mu gihe Amerika na Israel bikomeje ibitero kuri Irani, Perezida w'Uburusiya Vladimir Putin arimo kwigaragaza nk'umuntu uharanira amahoro ku rwego mpuzamahanga.

   Ibyo ntibyoroshye kubyumvisha abantu.

   Komeza usome isesengura ry'umwanditsi mukuru wa BBC ku Burusiya ukanze hano

8. Haciye amasaha 7Akanama ka ONU kajejwe umutekano kw'isi kagiye gutora ingingo za mbere kuva intambara itanguye

   Akanama ka ONU kajejwe umutekano kw'isi uno musi gategekanya gutora ingingo zibiri zitandukanye zijanye n’intambara iri muri Iran hamwe n’ingaruka zayo.

   Ingingo ya mbere yashikirijwe n'ibihugu vyo mu kigobe c'abarabu. Iyo ngingo yiyamiriza ibitero vyagabwe na Iran kuri ivyo bihugu be no kuri Jordanie.

   Uburusiya, incuti ya Iran, muri ako kanama bwatanze iyindi ngingo ihiganwa n’iyo yambere.

   N’aho iyo ngingo itavuga izina rya Iran, Israel canke Leta Zunze Ubumwe za Amerika, iriyamiriza ibitero vyose bikorerwa abasivile, ihamagarira impande zose guhagarika kurwana zigasubira mu biganiro.

   Ni ubwa mbere ako kanama kagiye gufata ingingo kuri iyi ntambara kuva aho itanguriye, inyuma y’inama yihutirwa yari yabaye mu ntango z'intambara.

   Umunyamabanga mukuru wa ONU, Antonio Guterres, yavuze ko ibitero vy'indege vya Israel na Amerika kuri Iran, hamwe n'ibitero vya Iran ku bihugu vyo mu karere ari ukurenga ku masezerano ya ONU.

   Intumwa ya Iran muri ONU, Amir Saeid Iravani, yaneguye ibihugu vyo mu kigobe c'abarabu, avuga ko biriko biragerageza guhindura uruhara rw’uwateye n’uwatewe, biciye mu nyandiko yise ko ifise uruhande ihengamiyeko kandi ifise imvo za politike.

   Iyo ngingo yo mu bihugu vyo mu kigobe c'abarabu ubu ishigikiwe n’ibihugu birenga 90, harimwo n’Ubwongereza. Isaba ko Iran ihagarika vuba kandi atakirinzwe gusabwa ibitero vyose n'iterabwoba ku bihugu bitandatu vyo mu kigobe c'Abarabu hamwe na Jordanie, harimwo n’ibitero bishobora gukorwa n'imigwi iyishigikiye.

   Iyo ngingo kandi iriyamiriza ibikorwa vyose canke iterabwoba iryo ari ryo ryose ryova muri Iran rishobora kwugara canke kubangamira ingendo mpuzamakungu ziciye mu muhora wa Hormuz.

   Izindi nkuru wosoma :

   Ni ibihe bihugu bishyigikiye Iran mu ntambara irwana na Israel ifatanyije na Amerika?

   Libani irifuza kuganira na Israel kugira ngo intambara ya Hezbollah ihagarare

   Ni nde Mojtaba Khamenei, umugabo wagizwe Umutegetsi mushya w'Ikirenga wa Iran?

9. Haciye amasaha 7Umwe mu bo mu itsinda ry'abakinnyi ba Iran bahawe ubuhungiro muri Australia yisubiyeho

   Leta ya Australia yatangaje ko umwe mu bantu babiri bo mu itsinda ry’umupira w’amaguru rya Iran bari bemeye kuguma muri icyo gihugu yisubiyeho.

   Minisitiri ushinzwe abinjira n'abasohokawa Australia, Tony Burke, yabwiye inteko ishingamategeko ku wagatatu ati: “Umwe muri abo babiri bari bafashe icyemezo cyo kuguma hano ejo nijoro, amaze kuvugana na bamwe mu bakinnyi bari bamaze gutaha, yahinduye icyemezo cye.”

   Abo bantu babiri umwe ni umukinnyi undi ni umwe mu bari bashinzwe gufasha ikipe bayiherekejembere bari bongeye guhura n’abandi bakinnyi batanu bari bahawe 'visa'zo kuguma muri Australia kubera impungenge z’umutekano wabo.

   Abandi bakinnyi basigaye bo muri Iran bavuye muri Australia ku mugoroba wo ku wakabiri, nyuma y’iminsi ibiri ikipe yabo isezerewe mu gikombe cy'Aziya (Asian Cup).

   Minisitiri Burke yagize ati:“Muri Australia abantu bafite uburenganzira bwo guhindura icyemezo cyabo. Twubaha impamvu yatumye afata icyo cyemezo.”

   Yanavuze ko abategetsi bagenzuye ko uwo muntu yafashe icyemezo ku giti cye,bamubaza niba ntagitutu yashyizweho ngo afate indege agende.

   Bamwe mu bagize itsinda ry’umupira w’amaguru rya Iran bahawe ubuhungiro kubera impungenge z’umutekano wabo nyuma y’uko batigeze baririmba indirimbo yubahiriza igihugu cyabo mbere y’umukino bakinnye na Koreya y’Epfo mu cyumweru gishize.

   Minisitiri Burke yavuze ko abagore bose bahisemo kuguma muri Australia,dosiye zabo zizihutishwa bagahabwauburenganzira bwo gutura burundu (permanent residency).

   Izindi nkuru wasoma:

   Umuhora wa Hormuz: Byagenda bite Iran iramutse ifunze neza neza iyi nzira y'ibitoro bigera ku isi?

   "Mukunzi, ntunyeganyege": Umugore yarikanguye asanga uruziramire runini cyane mu gituza cye, umva uko yahivanye

   Ahmed yafashwe nk''intwari' nyuma yo kugundagurana n'uwarashe ku mwaro i Bondi akamwaka imbunda

10. Haciye amasaha 8Igiciro c'intambara muri Irani kizoja ku baguzi, nk’uko uwutwara ishirahamwe ryo gutwara ibintu mu bwato yabibwiye BBC

    Umukuru w’ishirahamwe rya kabiri rinini kw’isi mu gutwara ibintu mu bwato yavuze ko ukwiyongera kw’ibiciro vyo gutwara ibidandazwa kwatewe n’intambara iri muri Iran kuzoca gushirwa ku baguzi.

    Vincent Clerc, umukuru w’ishirahamwe rinini ryo muri Danemark ryitwa Maersk, yabwiye BBC mu kiganiro yayihaye yonyene ati:

    “Dufise uburyo busanzwe bw’amasezerano butuma ihindagurika ry’igiciro c’igitoro rishirwa ku bakiriya, yaba ryaduze canke rimanutse.”

    Yongeyeko ati:“Rero ico bisiguye ni uko amaherezo, ku birimo kuba, ukwiyongera kw’ibi biciro kuzoshirwa ku bakiriya bacu, na bo bakabishira ku baguzi.”

    Yasavye Leta Zunze Ubumwe za Amerika, Israel na Iran gushika ku “masezerano runaka” kugira basubize mu buryo inzira z’ubudandaji bwo kw’isi zo mu Burasirazuba bwo Hagati.

    Iyi ntambara yatumye inzira zibiri zikomeye cane z’ubwato zihakwa kwugarwa burundu.

    Imbere y’uko iyi ntambara itangura, ica gatanu c'ibitoro kw'isi caca mu muhora wa Hormuz, ariko ubu uwo muhora usa n’uwugaye kubera ibikangisho vya Iran vyo gutera ubwato buca muri iyo nzira.

    Leta zimwe, harimwo Amerika n’Ubufaransa, zatanze iciyumviro c’uko zorungika ubwato bw’igisirikare co mu mazi kugira buherekeze ubwato bw’ubudandaji, zikizera ko vyoshobora gufasha gusubira kwugurura izo nzira zo mu mazi.

    Ariko uwo muyobozi wa Maersk yavuze ko adashobora gushira umuntu n’umwe mu bibazo.

    Clerc yavuze ati: "Ikintu nyamukuru giteye impungenge ni umutekano w'abakozi bacu n’uw’ibintu vyacu."

    Yongeyeko ko igihe cose hakiri impungenge zikomeye ku mutekano zivuye ku bitero vy'indege zitajamwo umudereva (drone), kandi ata vyizigiro vy’agahengwe hagati y’impande ziri mu ntambara, “biragoye cane kuri twebwe gushira abo dukorana hamwe n’ubwato bwacu mu bibazo”.

    Izindi nkuru wosoma:

    Abanya-Iran "ntibazagonda ijosi" – Ibitero byakubise hafi y'imyiyerekano y'abashyigikiye Mojtaba Khamenei

    Ni nde Mojtaba Khamenei, umugabo wagizwe Umutegetsi mushya w'Ikirenga wa Iran?

    Ingaruka zishobora guterwa n'igabanuka ry'ibirwanisho ku ntambara yo muri Irani

11. Haciye amasaha 9Irani yagavye ibindi bitero bishasha

    Mu masaha make aheze, Irani yagavye ibindi bitero ku birindiro vya Israel na Amerika mu karere k'uburasirazuba bwo hagati.

    Ikinyamakuru ca Leta ya Irani kivuga ko ico gitero ari co "gikomeye kandi kiremereye cane" kuva intambara itanguye, nk'uko bivugwa n'itororokanirizo ry'amakuru AFP.

    Israel ivuga ko yabonye ibisasu vya misile vyatewe bivuye muri Irani, ariko mu nyuma yongeyeko ko ata ngorane abanyagihugu bashobora kuva aho bihishije.

    Arabie Saoudite ivuga ko yahagaritse yongera irasambura indege zibiri zitajamwo umudereva (drones) zariko zija ahahingurirwa ibitoro.

    Urusaku rw'inzamba(rwo kuburira ku bitero) rwumvikanye kandi muri Bahrain. Ico gihugu kirimwo icicaro gikuru c'igisirikare kirwanira mu mazi ca Amerika, ca mbere kinini mu karere k'uburasirazuba bwo hagati.

    Izindi nkuru wosoma:

    Ni ibiki ikigo c'iperereza ca Israel, Mossad, cakoze canke cananiwe vyatumye kimenyekana?

    Ni ibihe bihugu bishyigikiye Iran mu ntambara irwana na Israel ifatanyije na Amerika?

    Libani irifuza kuganira na Israel kugira ngo intambara ya Hezbollah ihagarare

12. Haciye amasaha 9Igitero cya drone i Goma muri iki gitondo ‘cyishe abantu batatu’ - M23

    Umutwe wa AFC/M23 watangaje ko mu gitondo kare kuri uyu wa gatatu umujyi wa Goma muri RD Congo wagabweho igitero na ‘drone’ y’intambara ‘mu gace gatuwe n'abasivile’.

    Lawrence Kanyuka uvugira uyu mutwe yavuze ko iki gitero cyishe abantu batatu “barimo umukozi w’ubutabazi w’umunyamahanga w’umuryango mpuzamahanga utegamiye kuri leta”.

    Nyuma, mu butumwa yashyize kuri X, Kanyuka yavuze ko umukozi wa UNICEF, umufaransakazi witwa Carine Buisset yishwe n’igitero cy’iyo. UNICEF ntiremeza aya makuru.

    BBC ntiyashoboye kugenzura mu buryo bwigenga ibivugwa na M23.

    Uruhande rw’ingabo za Leta ntacyo ruratangaza kuri iki gitero cya mbere mu mezi menshi kuri uyu mujyi umaze umwaka ufashwe na M23.

    Ibinyamakuru bimwe muri Congo byavuze ko agace katewe n'iyo drone ari 'quartier' Himbi mu majyaruguru ya Goma, kamwe mu duce twa mbere dukize tw'uyu mujyi bivugwa ko gatuwe n'abantu bakomeye mu gisirikare na politike.

    Ejo ku wa kabiri, igisirikare cya leta ya DR Congo FARDC cyatangaje ko cyahanuye ‘drones ebyiri’ z’ingabo z’u Rwanda – ivuga ko zifasha M23 – i Mikenge, kivuga ko “zavogereye ikirere cya Congo mu karere ka Minembwe”.

    Igisirikare cy’u Rwanda nta cyo cyavuze kuri ibi birego bya FARDC, byaje nyuma y’ibitero bya ‘drones’ za FARDC byavuzwe ku wa mbere kuri Minembwe-centre mu ntara ya Kivu y’Epfo.

    Ikigo ACLED gikusanya amakuru ku makimbirane n’intambara kivuga ko mu kwezi gushize cyabaruye ibitero byinshi byo mu kirere, kurusha ikindi gihe mbere muri DR Congo.

    ACLED ivuga ko mu kwezi gushize FARDC yongereye ibitero byo mu kirere muri teritwari za Mwenga na Fizi muri Kivu y’Epfo na Masisi muri Kivu ya ruguru.

    ACLED ivuga ko M23 na yo mu kwezi gushize yakoze ibitero bya za ‘drones kamikaze’ ku kibuga cy’indege cya Kisangani aho uwo mutwe uvuga ko ari ho ibitero byo mu kirere bya FARDC bitegurirwa kandi bituruka.

    Izindi nkuru wasoma:

    Quickly, Quickly, Quickly....Willy Ngoma wishwe n'igitero cya drone yari muntu ki?

    Icuraburindi i Minembwe: Imirwano ikomeye n'ibitero bya 'drones' mu gihe agahenge katubahirijwe

    'Nibaza ko iyi ntambara izobandanya ayandi mezi atari make' – Umushakashatsi kuri DR Congo

13. 11 Ukwa gatatu 2026Israel yagabye ibindi bitero kuri Iran na Libani, mu gihe Amerika ivuga ko yarashe amato 16 ya Irani atega mine

    Igisirikare cya Israel (IDF) kivuga ko cyatangiye “icyiciro gishya” cy’ibitero ku hantu hanyuranye mu murwa mukuru Tehran wa Irani no muri Libani.

    IDF ivuga ko yanagabye ibitero i Beirut mu murwa mukuru wa Libani, ivuga ko bigambiriye ibikorwa-remezo by’umutwe wa Hezbollah ushyigikiwe na Irani, biri mu majyepfo y’uwo mujyi.

    Bibaye nyuma yuko mbere yaho kuri uyu wa gatatu, IDF ivuze ko yarashe ku bigo biyoborerwamo ibitero by’ingabo za Irani.

    Ni mu gihe Emira Zunze Ubumwe z’Abarabu (UAE) zivuga ko ubwirinzi bw’ikirere bwazo burimo gusubiza ku “nkeke itewe na misile”.

    Ubuyobozi bukuru bw’ingabo z’Amerika bwavuze ko ingabo z’Amerika “zakuyeho” amato 16 ya Irani atega ibisasu bya mine, nyuma yuko Perezida Donald Trump aburiye Irani kudashyira “mine n’imwe” mu muhora wa Hormuz ibyuramo ibikomoka kuri peteroli byinshi byerekeza ahantu hanyuranye ku isi.

    Ubuyobozi bukuru bw’ingabo z’Amerika bwatangaje videwo uko bigaragara yerekana ayo mato arimo kuraswa.

    Ibyo byakurikiye amagambo yari yatangajwe mbere na Perezida Trump, avuga ko ingabo z’Amerika zarashe amato 10 adakora ya Irani mu muhora wa Hormuz, nyuma yuko yari yasezeranyije guhangana n’ayo mato “byihuse kandi mu rugomo”.

    Mbere, umukuru wa polisi ya Irani yavuze ko umuntu wese watekereza ku kwigaragambya yamagana leta, yahagurukirwa “mu buryo bumwe n’uko duhangana n’umwanzi”.

    Hagati aho, mu gihe iyi ntambara y’Amerika na Israel kuri Irani imaze iminsi 11, Minisitiri w’intebe wa Israel Benjamin Netanyahu yashyize itangazo ku rubuga nkoranyambaga X yandikira “abaturage ba Irani”, abasaba guhirika ubutegetsi bwa Ayatollah no “kubona ubwisanzure bwanyu”.

    Izindi nkuru wasoma:

    Abanya-Iran "ntibazagonda ijosi" – Ibitero byakubise hafi y'imyiyerekano y'abashyigikiye Mojtaba Khamenei

    Ni nde Mojtaba Khamenei, umugabo wagizwe Umutegetsi mushya w'Ikirenga wa Iran?

    Ingaruka zishobora guterwa n'igabanuka ry'ibirwanisho ku ntambara yo muri Irani

14. 11 Ukwa gatatu 2026Mwaramutse neza!

    Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw’aka kanya.