Ibinugwanugwa mu mupira w'amaguru ku wa Mungu

Umukinyi wa Arsenal Mesut Ozil, w'imyaka 30, ashobora kwihweza imwe mu nzira ategekanya yo kuja mu mugwi Inter Milan wo mu Butaliyano mu ci riza. (Sun on Sunday)

Napoli yanse amahera imiliyoni 91 z'amapawundi Manchester United isaba ku mukinyi w'inyuma aturuka mu gihugu ca Senegal, Kalidou Koulibaly w'imyaka 27. (Corriere dello Sport, via Mail on Sunday)

Real Madrid ishobora kuzana mu kwezi kwa mbere umukinyi wa Arsenal akina hagati, Aaron Ramsey w'imyaka 27, aturuka mu gihugu ca Pays de Galles. (Sunday Mirror)

Umumenyereza wa Fulham Claudio Ranieri yasavye Liverpool ngo imuhe umukinyi wo hagati w'Ubwongereza Nathaniel Clyne w'imyaka 27 ku mukopo, mu mwanya usigaye ngo ihiganwa rirangire. (Sun on Sunday)

Chelsea yipfuza guha akazi umukinyi wo hagati muri Borussia Dortmund, Christian Pulisic, ariko ikipfuza kugabanya amahera asabwa n'abarongoye Bundesliga - imiliyoni 70 z'amapawundi - kuri uwo mukinyi w'imyaka 20 aturuka muri Amerika. (Goal.com)

Chelsea yagiye ku rutonde rw'iyindi migwi irimwo Everton, Juventus na Manchester United, ihiga umukinyi w'inyuma wo muri Brésil, Eder Militao, akina mu mugwi wa Porto. (Mail on Sunday)

AC Milan yahambije Arsenal na Chelsea mu kurondera umukinyi wo hagati wa Barcelone, Denis Suarez w'imyaka 24. (Sunday Express, via Calciomercato)

Umumenyereza wa Newcastle United Rafael Benitez yipfuza kugura abakinyi babiri mu ndwi zibiri za mbere z'Ukwezi kwa Mbere, igihe c'isoko ry'abakinyi. (Newcastle Chronicle)

Umukinyi w'inyuma wa Tottenham aturuka mu Bubiligi, Toby Alderweireld w'imyaka 29, avuga ko uwo mugwi wo mu buraruko bwa Londres utakinye urukino rwiza uno mwaka. (Observer)

Umumenyereza wa Liverpool Jurgen Klopp yavuze ko iyindi migwi itinya Manchester City ariko ikaba idaha icubahiro gikwiye umugwi wiwe nkuko babikorera abatwaye igikombe. (Sunday Express)

Claudio Ranieri yavuze ko guhura na Chelsea hamwe na Leicester amenyereza Fulham biza gutuma atigumya ariko ngw'ico ashira imbere kurusha ni kugwanya kuja mw'ihiganwa ryo hasi. (London Evening Standard, via Gazzetta dello Sport)

Umumenyereza wa Brighton Chris Hughton yavuze ko aba Seagulls batari mu bakoresha amahera menshi mw'ihiganwa rya Premier League. (Argus)