Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Adebayor yongeye guhamagarwa mu ikipe y'igihugu ya Togo
Rutahizamu Emmanuel Adebayor agiye kongera amare undi mwaka akinira ikipe y'igihugu nyuma yaho umutoza Claude Le Roy amushyize ku rutonde rw'abakinnyi azifashisha mu mukino w'amajonjora y'igikombe cy'Afurika cy'ibihugu cyo muri 2019 uzaba mu kwezi gutaha kwa cyenda.
Ni umukino uzahuza Togo na Bénin.
Kuva yatangira gutoza ikipe y'igihugu ya Togo mu mwaka wa 2016, Umufaransa Claude Le Roy yakomeje gutangariza rubanda hakiri kare abagize ikipe aba yatoranyije, ubu bakaba barimo na Adebayor umaze imyaka 18 akinira iyi kipe.
Adebayor watangiye gukinira Togo mu kwezi kwa karindwi mu mwaka wa 2000, ni umwe mu bakinnyi 34 batoranyijwe mu kwitegura umukino n'ikipe ya Bénin uteganyijwe ku itariki ya 9 y'ukwezi gutaha kwa cyenda, ukabera mu murwa mukuru wa Togo, Lomé.
Adebayor w'imyaka 34 y'amavuko, asanzwe akinira ikipe ya İstanbul Basaksehir yo muri Turukiya.
Mu gihe cyashize, yagiye agirana umubano utari shyashya n'igihugu cye ariko kuva umutoza Le Roy yatangira akazi, iteka amuhamagara mu ikipe y'igihugu.
Mu kwezi kwa gatandatu mu mwaka ushize wa 2017, Togo yatangiye iyi mikino y'amajonjora y'igikombe cy'Afurika cy'ibihugu itsindwa na Algeria 1-0 mu itsinda D mu mukino wabereye muri Algeria, mu gihe Bénin yatsinze Gambia 1-0 mu mukino wabereye muri Bénin.
